“Barselona” klubi rasmiy sayti xabariga ko'ra, jamoa vingeri Usmon Dembele jarohati bois 10 hafta mobaynida maydonga tusha olmaydi.
“Tibbiy tekshiruv natijalariga ko'ra, Usmon Dembelening o'ng oyog'i sonining mushaklari yorilgan va u 10 haftaga yaqin vaqt davomida maydonga tusha olmaydi”, deyiladi klub saytida elon qilingan bayonotda.
Eslatib o'tamiz, joriy mavsumda Usmon uchinchi bor aynan shunday jarohat bilan to'qnash kelmoqda. “Barselona”dagi faoliyati davomida u sakkizinchi bor jarohat oldi.
Joriy mavsumda Dembele Ispaniya chempionatida beshta uchrashuvda maydonga tushib, 1 ta gol urdi va bir bor sariq va qizil kartochka ishlashga ulgurdi.
Bosh sahifaga
563