- Barchaga rahmat aytaman. Juda uzoq mavsum o'z poyoniga etdi. Bu o'yin muxlislarga ham unchalik qiziq bo'lmadi. Yigitlar shu boisdan texnik futbol namoyish etishdi va ko'p kuch sarflashmadi. Kam bo'lsa-da, stadionga kelgan muxlislarga rahmat aytaman. Barchaga, "Lokomotiv"ga ham, boshqa jamoalarga ham minnatdorchilik bildiraman. Keyingi mavsum bundan-da qiziqroq o'tishiga ishonaman.
Ko'pchilik muxlislar mavsum zerikarli o'tganini aytdi. Biroq unday emas. So'nggi turdagina quyiga tushadigan jamoa nomi aniq bo'ldi. Mavsumda 46-47-o'yinida qatnashayotgan, shuningdek, termaga ham borini berayotgan futbolchilarga rahmat aytaman.
25 dekabrda jamoa yig'iladi. Yangi futbolchilar bo'ladi, biroq bu hali kimligi aniq emas. SHuningdek, legionerlardan kam bo'lmagan futbolchilarga ham ishonch bildirishga intilamiz.
Himoya meni unchalik tashvishga solmayapti. OCHLda biz qitaning eng yaxshi jamoalariga qarshi bahs olib bordik. Barcha futbolchilarda pasayish bo'ladi. 20 kunlab dam olgandan keyin klublarda ham pasayish kuzatiladi. Barchadan ko'ra kamroq kartochka oldik. Futbolchilarga feyr-pley sovrinini bersak ham bo'ladi.
Komilov, Abdullaev va Sidiqovga rahmat aytaman. Ular katta yo'lni biz bilan boshlashgandi, afsuski jarohat ularga katta halaqit qildi. Yana bir-ikki oyni o'tkazib yuborishsa, hech nima qilmaydi. Biz futbolchilarning keyingi faoliyati uchun javobgarmiz. Endi qolgan yigitlar dam olishga chiqishadi. Jarohatlanganlar esa tiklanishda davom etishadi.
Yigitlarning 2-3 yillik shartnomasi bor. Faqatgina 4 futbolchining shartnomasi ushbu mavsumdan keyin yakunlanadi.
Bosh sahifaga
2086