- Nima deyishga hayronman? To'g'risi, o'yin menga yoqmadi. Taxminan, bunday darajadagi uchrashuvlarda doim shunday bo'lsa kerak. Sababi, uchrashuvda natija asosiy planda edi. Bu futbolchilarning ruhiyatiga salbiy tasir qildi. Hisob 2:0 bo'lganida biz xotirjam bo'lishimiz kerak edi, ammo hammasi teskari ko'rinish oldi. Tezkor goldan keyin raqib o'ziga qaytdi. Yo'q joydan ikkinchi golni ham qabul qildik. So'ng oddiy joyda xatolar qilishga tushdik. Lekin yigitlarga rahmat! Natijani ushlab qolishdi va o'z oldilariga qo'yilgan vazifani uddalashdi.
Og'ir mavsumni o'tkazdik. Hozir yil davomida yo'limizda uchragan muammolarni sanab bersam, bilmadim. Asosiysi, boshida bizga qanchalik qiyin bo'lgan bo'lsa-da, oxiri yaxshilik bilan tugadi. Buning uchun klub tizimida ishlayotgan barchaga o'z minnatdorchiligimni bildiraman! Bugungi yutuqning zamirida barchaning chin yurakdan qilgan mehnati, bizga bo'lgan ishonchi yotibdi. Xabaringiz bor, yil boshida jamoaning o'zi bo'lish-bo'lmasligi mavhum edi. Hozir esa, CHempionlar Ligasi yo'llanmasini qo'lga kiritdik. SHuning uchun ham barchaga rahmat!
CHempionlar Ligasi yo'llanmasini qo'lga kiritdik. Tabiiyki, endi hammasi boshqacha bo'ladi. Ikki hafta dam olamiz, keyin yana mashg'ulotlarga kirishamiz. Bo'shashishga haqqimiz yo'q! Tarkib rahbariyatning bizga qo'yadigan vazifasiga qarab o'zgaradi. Legionerlardan ko'ra o'zimizda jamoa o'yinini kuchaytira oladigan futbolchilar bor. Qolaversa, biz CHempionlar Ligasida o'ynaymiz, tabiiyki, «Bunyodkor» libosini kiyishni xohlaydigan o'yinchilar topiladi.
TAS-IX emas
Bosh sahifaga
1386