RPL. "Rostov" o'z maydonida "Ural" bilan durang qayd etdi

75. SHomurodov jamradoshidan kelgan to'pni raqibi ustidan olib o'tishga urindi, ammo himoyachi Eldorning fikrini o'qidi va xavfni bartaraf etdi.

72. SAPLINOV! Aleksandr qanotdan uzatilgan to'pni darvozaga to'g'irlashga urindi, biroq "Ural" posboni Godzyur to'pni egallab oldi.

71. Valeriy Karpin Bayramyan o'rniga Saplinovni maydonga tushirdi. Ammo "Rostov" o'yini o'nglangani yo'q. Hujumlar bor, biroq so'nggi pas va zarba yo'q.

63. ZARBA! Baburin raqibning jarimadan bergan xavfli zarbasini qaytarishga muvaffaq bo'ldi.

60. Baxtiyor Zaynutdinov jarima maydonchasi chizig'i ustidan "Ural" darvozasiga zarba berdi. To'p u maqsad qilgan tomonga bormadi.

57. Ionov chap qanotdan to'pni erlatib SHomurodovga uzatdi. Pas biroz noaniq bo'lgani tufayli Eldor emas, raqib to'pga egalik qildi.

50. SHomurodovga nisbatan raqib jarima maydonchasi ichida qoida buzildi, ammo hakam o'yinni davom ettirish mumkinligini ko'rsatdi.

46. Ikkinchi bo'lim boshlandi va mezbonlar tezlik bilan burchak zarbasi ishlab olishdi.

Taymlar o'rtasidagi flesh intervyu berish navbati SHomurodovga kelgan ekan.

TANAFFUS

45. Uchrashuv asosiy vaqtiga 2 daqiqa qo'shib berildi.

43. Kozlov uzoq masofadan xavfli zarba berdi, ammo to'p darvozaning yonginasidan o'tib ketdi.

40. "Rostov"dagi moliyaviy muammolar jamoa o'yiniga ham tasir ko'rsatgan ko'rinadi. Futbolchilar bir-birini yaxshi tushunishmayapti.

37. ZARBA! Popovning zarbasidan so'ng to'p "Ural" darvozasi ustidan o'tib ketdi.

36. "Rostov" raqib jarima maydonchasi chizig'i ustidan standart vaziyatga ega bo'ldi.

33. Burchak zarbasidan foyda chiqmadi. "Rostov" hujumlari davom etmoqda...

31. "Rostov" jarima zarbasiga ega bo'ldi. Burchak bayroqchasi oldidan uzatilgan to'pga zarba beradigan futbolchi topilmadi. Navbat burchak zarbasiga.

27. Mezbonlar to'pni raqib jarima maydonchasiga uzatishyapti, ammo uzatmalar aniq bo'lmayapti.

26. "Rostov" ko'pchilik bo'lib hujumga o'tdi. Ionov to'pni markazga uzatishda adashdi va vaziyat qo'ldan boy berildi.

24. Popov jarima maydonchasi tashqarisidan "Ural" darvozasini ishg'ol qilishga urinib ko'rdi, ammo zarba noaniq.

20. Hozircha Eldor SHomurodov ko'zga tashlanayotgani yo'q. Uzatmalar SHomurodovgacha etib bormayapti.

17. Afsuski CHistyakov og'riqlarga chiday olmadi, Dmitriy o'zgartirilmoqda. Uning o'rniga Logashov maydonga tushdi.

15. Dmitriy CHistyakov maydonga qaytdi, hammasi joyida.

12. CHistyakov havodagi to'qnashuvda jiddiy jarohat olgan ko'rinadi. SHifokorlar futbolchining umrtqa sohasidagi og'riqlariga baho berishmoqda.

8. Ionov to'pni jarima maydonchasi ichiga uzatdi. To'p hammadan orqaroqda turgan Xorenga tushdi, biroq Bayramyan tezda zarba berish o'rniga to'pni to'xtatishga urindi va uni qo'ldan yani oyoqdan chiqardi.

5. "Rostov" futbolchilari ushbu uchrashuvga jarohat olgan Danil Glebov surati tushirilgan futbolkalarda chiqib kelishdi.

3. Ilin qanotdan uzatilgan to'pni "Rostov" darvozasiga burishga urindi, ammo zarba ko'ngildagidek chiqmadi. Darvozabon Baburin to'pni osonlik bilan egallab oldi.

1. Uchrashuv boshlandi!

"Rostov" – "Ural"

"Rostov-Arena"

"Rostov": Baburin, CHernov, Kozlov, CHistyakov, Xadjikadunich, Popov, Normann, Bayramyan, Zaynutdinov, Ionov, SHomurodov.

"Ural": Godzyur, Polyakov, Aroyan, Merkulov, Kulakov, Kuxarchik, Bikfalvi, Augustinyak, El-Kabir, Fidler, Ilin.