Mazkur O'zbekiston kubogida Qashqadaryo viloyati jamoasi (bosh murabbiyi Botir Qodirqulov) barcha raqiblaridan ustunlikka erishib, g'oliblikni tantana qilishgan edi. Etiborlisi, 2002 yilda tug'ilgan o'smirlar jamoasining asosiy tarkibida to'p surib, kubokni qo'lga kiritishda munosib hissalarini qo'shgan Asilbek Berdialiev, SHerali Rasulov, SHaxobiddin Samadov hamda Salohiddin Sanaqulovlar Qashqadaryo viloyati bolalar-o'smirlar futbol akademiyasi tarbiyalanuvchilari sanalishadi.
29 noyabr kuni Qarshi shahridagi 47-umumiy o'rta talim maktabida viloyat bolalar-o'smirlar futbol akademiyasi tashabbusi bilan ushbu to'rt nafar chempion o'quvchilarni taqdirlash marosimi o'tkazildi. Marosimda ishtirok etib, so'z olgan Qashqadaryo viloyat futbol associaciyasi vice-prezidenti Norqul Daminov, “Mashal” futbol kulubining yordamchi murabbiyi Botir Qoraev, futbol akademiyasi direktori Nurali Sultonov, futbol akademiyaning manaviyat-marifat ishlari bo'yicha direktor o'rinbosari SHavkat Ro'zievlar kubok sohiblarini qutlab, kelgusida o'zbek futbolida yorqin yulduzlar qatorida bo'lishini, milliy terma jamoamiz safida bo'y ko'rsatishida omadlar tilashdi. O'z navbatida iqtidorli sanalgan yosh chempionlar ham yaratilgan qulay shart-sharoitlardan unumli foydalangan holda mashg'ulotlarga zo'r berib, orzu-istaklari sari dadil borishiga vadalar berishdi. Tadbir so'nggida g'olib o'quvchilarga viloyat futbol associaciyasi, futbol akademiyasi tomonidan diplom va esdalik sovg'alari bilan munosib taqdirlanishdi.
Ilhom RAHMONOV tayyorladi
Bosh sahifaga
279