Xabarning o'zbekcha tarjimasi quyidagicha:
"Klubning rivojlanish ehtiyojlari tufayli janob Samvel Babayan "CHangchun Yatay" bosh murabbiyi sifatida ishga olindi va yangi bosh murabbiylar guruhi 2020 yilgi Xitoy Ligasida qatnashish uchun shakllantiriladi.
Babayan 1971 yilda tug'ilgan va murabbiylik faoliyatini 1996 yilda boshlagan. U 2014 yilda Toshkentning "Paxtakor" jamoasiga bosh murabbiy bo'ldi va O'zbekiston chempionligini qo'lga kiritdi. Ketma-ket 2 yil davomida (2014, 2015) "O'zbekistonning eng yaxshi murabbiyi" deb topildi. 2015 yilning iyun va noyabr oylarida O'zbekiston milliy terma jamoasi va Olimpiya terma jamoalarida ish boshladi. Jamoalarni London Olimpiyadasi saralashi va Rossiyada bo'lib o'tgan JCH saralashigacha olib borgan. 2019 yilda esa Toshkentning "Lokomotiv" jamoasi bosh murabbiyi sifatida ishlagan.
Babayan bu safar "CHangchun Yatay" jamoasiga bosh murabbiy etib tayinlandi va uning murabbiylar shtabi Grigoriy Kolosovskiy, Deyan Jurjevich, Aleksandr Galich va Anton Mayeranovlardan tashkil topadi. "CHangchun Yatay" tez orada ular bilan ajoyib natijalarga erishishga umid qilmoqda", - deyiladi "CHangchun Yatay" rasmiy xabarida.
Eslatib o'tamiz, bu klub yakunlangan mavsum Xitoyning mavqei jihatdan ikkinchi o'rinda turuvchi chempionati (1-liga)da ishtirok etgan va yakunda 5-o'rinni egallagan. Babayanga "CHangchung Yatay"ni Superligaga olib chiqish vazifasi qo'yilgan.
Bosh sahifaga
297