Kilian Mbappe 2019 yilgi «Oltin to'p» sovrini uchun kurashda oltinchi o'rinni egalladi, ammo xafa bo'ldi deyish qiyin. Sababi francuz Dide Drogba bilan marosim o'rtasida rasmga tushdi.
Mbappe yilning eng yaxshi yosh futbolchisini aniqlash uchun sahnaga chiqqandi, «CHelsi» sobiq hujumchisi esa unga selfi tushishni taklif qildi.
Bu narsani Kilian rosa 10 yil kutdi. 2009 yilda Mbappe «CHelsi»ga ko'rikdan o'tish uchun kelgandi. Londonda bir haftaga yaqin bo'lgan va 10-raqamni olib, bolalar jamoasi safida «CHarlton»ga qarshi o'ynagan.
Tanishi orqali Kilian Dide Drogba bilan rasmga tushishni iltimos qilgandi. Ivuarlik futbolchi ECHL yarim finali doirasidagi «Barselona»ga qarshi bahsdan so'ng rasmga tushishga vada bergandi.
Ammo o'sha bahsda norvegiyalik hakam Tom-Xenning Evrebe tufayli «CHelsi» finalga chiqa olmagan edi. Final hushtagi yangraganidan so'ng Dide Drogba boshchiligida londonliklarning deyarli butun tarkibi hakamga hujum qilishgandi.
Italyan matbuoti ivuarlik hujumchi Evrebeni stadion tonnelida ham taqib qilgan, haqorat qilganini yozgandi. Drogbaning o'zi buni rad qilgan, ammo kameraga qarab «Bu sharmandalik deb aytgandi!».
Dide Evrebeni nima qilmoqchi bo'lganini tasavvur qilmasangiz bu ko'zlarga etibor qiling!
«10 yil oldin mening yonimga bir bolakay kelib rasmga tushishni so'ragandi. O'sha kuni rad qilgandim, sababi natijadan xafa edim. Keyinchalik bu bolakay – Kilian Mbappe ekanini bildim. Qarzimni qaytarmoqchiman», - dedi Drogba kechagi marosim vaqtida.
SHu tariqa 10 yildan keyin Drogba o'sha xatosini yuvdi va franciyalik futbolchi bilan sahnaning o'zida rasmga tushdi. Faqat undan oldin Drogba 10 yil oldingi nigohini takrorlab berdi.
Bolalikdagi orzular ushalishi baribir ajoyib.
sports.ru saytidan Narzulla tarjima qildi
Bosh sahifaga
309