"Manchester Yunayted" - "Tottenxem" 1:0. Matnli translyaciya

10. Aytmaganmidim, "Yunayted" bugun o'zgaradi. "Tottenxem" esa sarosimaga tushmadi.

9. Mourino jamoasi to'pni butkul MYUga topshirib qo'ydi: 76-24(%)

7. GOOOOOOOOOOOOOOOOOOOOOOLLLLLL!!!!! Reshford taxminan 15 metrlardan o'tkir burchak ostida bo'lsa ham, Gassaniga darvozasi yaqin burchagini aniq nishonga oldi! 1:0!

6. Fikringizga qo'shilaman. Hozir to'pni kim ko'proq o'zida ushlab turadi, ko'proq bosim qilish salohiyati qaysi jamoada ko'rinmoqda?

5. Ser davri boshqacha edi, ha. Ammo o'sha paytda futbol ham boshqacha bo'lgandi. Hozirgi futbolning shaxmatdan farqi yo'q.

4. MYUning muxlislari soni kundan-kunga umidsizlanib, o'yingohga bormaslikni ham afzal ko'rishayotgandek. Baribir, Ser Aleks Fergyusson davri boshqacha edi, shunday emasmi? Sulsher, Bekhem, Ronaldu, Runi, Nani, O'zgacha futbolchilar edi

2. Negadir "Old Trafford"da bo'sh o'rindiqlar ko'ryapman. Yoki faqat menga ko'rindimi?

1. Uchrashuv boshlandi!

00:29. Nodir Abdurasulov: O'yinchilar maydonga chiqib kelishdi! Stadion suhandoni tarkiblarni birma-bir o'qib eshittirmoqda

00:28. Mirjalol Normatov: Aytgancha, taxminim 1:0. Jamoalar stadionga chiqib kelishdi. Fantastik atmosfera!

00:27. Nodir Abdurasulov: Orzu qilishdan aslo to'xtash kerak emas. Orzulari ushaladi... Lekin, orzuingiz meni junbushga keltirib yubordi. Sababi, afsonaviy "Old Trafordd"dagi atmosfera, shunchaki dahshat! Boshqa tarif topa olmadim.

00:24. Mirjalol Normatov. Uchrashuv boshlanishiga oz vaqt qolmoqda. Orzularimdan biri APL o'yinini stadiondan ko'rish. Nima deb o'ylaysiz, bu ushalarmikin?

00:22. Nodir Abdurasulov: Mening o'yinga bildirgan taxminimga ko'ra, "Tottenxem" 0:1 hisobida g'alabaga erishadi. Ehtiyotkor, lekin shu bilan birga jangovar o'yinni kutmoqdaman. Darvozabonlarga ham ko'p narsa bog'liq.

00:18. Mirjalol Normatov: "Yunayted"da esa jamoa o'yiniga katta o'zgarish qilmaydigan ikki yo'qotish bor: Pogba va Marsyal. Ularning o'rni akademiya futbolchilari MakTominey va Grinvud bilan yopildi. Demak, MYUning akademiyasi zo'r ishlayapti.

00:16. Nodir Abdurasulov: Bu gapingizda ham jon bor, albatta. Londonliklarda bir qator yo'qotishlar bor. Xususan, "SHporlar" bugungi bellashuvda, Erik Lamela (pay cho'zilishi), Ben Devis (to'piq) va Mikel Vorm xizmatlaridan foydalana olmaydi. Ugol Loris (tirsak) esa keyingi yildan safga qaytishi mumkin. Ushbu futbolchilar jarohatdan tiklanish jarayonini davom ettirishmoqda.

00:14. Mirjalol Normatov: Aslida unchalik ham yosh emas bugungi tarkib. Kichkina demang bizni, ko'tarib otamiz sizni deyishmoqda ular. Demak, nimadir bo'lishi ham mumkin.

00:12. Nodir Abdurasulov: Etibor bergan bo'lsangiz, "qo'rqinchli dekabr" oyi boshlanib bo'ldi va jamoalar endi har 3-4 kunda o'yinlarda maydonga tushishadi. Bu borada jamoa asosi MYU akademiyasidan chiqqan yoshlardan kurilganini inobatga olsak, tiklanish jarayoni ularda bir muncha qiyin kechishi mumkin. Har holda ular, "Tottenhem" jangchilari kabi har yili APLda muntazam o'ynab kelishmayotgandi va tajriba ham o'z so'zini aytishi mumkin. Masalan, "Sulsherning bolalari qariya Mourning tajribali futbolchilariga qarshi" nomi sizga qanday eshitiladi?

00:06. Mirjalol Normatov: "Yunayted" oldingi o'yinlariga mos ravishda o'yin ko'rsatarmikin yoki "Liverpul"ga qarshi o'yin kabi jamoa o'zgararmikin?

00:02. Nodir Abdurasulov: Pogbaning jarohat olishi qisman jamoa o'yiniga tasir qilgani bor gap. Lekin, uning o'yindan tashqari voqealarga ko'proq aralashib qolganligi, francuzning futbol olamida porlashidan ko'ra, so'nishini tezlashtirib yubormoqda. Jamoaviy muhit ham yaxshi emasmi, deb o'ylab qolasan kishi.

23:59. Mirjalol Normatov: Mourino baribir o'z ishini yaxshi biladi. Ketganidan keyin o'z ustida ishlagani ko'rinib turibdi. Hattoki o'yin uslubida ham o'zgarishlar bor. Biroq bugun men MYUdan umuman o'zgacha futbol kutyapman. Mourino esa g'alaba uchun qo'lidan kelganini qiladi, alamini olishga intiladi. Savolim bor edi: Pogba jarohat olgan. Menimcha MYUning o'yinlari pasayishiga uning ham, balki, "hissasi" bordir. Nima deb o'ylaysiz?

23:53. Nodir Abdurasulov: Umuman, Mourino "Tottenhem" bilan 3 ta o'yin o'tkazib bo'ldi va barchasida g'alaba qozonganini aytish kerak: "Vest Hem" 3:2, "Olimpiakos" 4:2, "Bornmut" 3:2. Ko'rib turganingizdek, uchala bahsda ham kamida 3 tadan gol urilgan. Mourino o'zining mashhur "avtobus" o'yinidan voz kechgandek. Hujumga ko'p etibor berilmoqda. Ammo, himoyada ham muammolar borligi sezilib qolmoqda. MYUga kelsak, bir nima deya olmayman. Barqaror o'yinni ko'rmayapman.
Mour MYUdan ketganidan so'ng ilk marta "Old Trafford"ga tashrif buyurmoqda. Bugun undan nimalarni kutyapsiz?

23:45. Mirjalol Normatov: Nodir, nima deb o'ylaysiz, Mourino effekti bugun "Tottenxem"ga qanchalik darajada yordam beradi? "Yunayted" muhim o'yinlarda barcha ishonchni oqlamoqda axir.

23:42. Nodir Abdurasulov, Championat.asia sayti xodimi: Jamoalarning so'nggi 5 o'yinida 4 tasi APL va yana biri Angliya Kubogi doirasida o'tkazilgan.
13 yanvar, 2019. "Tottenhem" - "Manchester Yunayted" 0:1 (APL)
27 avgust, 2018. "Manchester Yunayted" - "Tottenhem" 0:3 (APL)
21 aprel, 2018. "Manchester Yunayted" - "Tottenhem" 2:1 (Angliya Kubogi, yarim final)
31 yanvar, 2018. "Tottenhem" - "Manchester Yunayted" 2:0 (APL)
28 oktyabr, 2017. "Manchester Yunayted" - "Tottenhem" 1:0 (APL)

23:39. Mirjalol Normatov, Championat.asia sayti xodimi: "Manchester Yunayted" esa ayni paytda APLning 10-pog'onasida bormoqda — 18 ochko (4 ta g'alaba, 6 ta durang, 4 ta mag'lubiyat, To'plar nisbati: 21-17). 

23:35. Nodir Abdurasulov, Championat.asia sayti xodimi: "Tottenhem" ayni paytda APLning 6-pog'onasida bormoqda — 20 ochko (5 ta g'alaba, 5 ta durang, 4 ta mag'lubiyat, To'plar nisbati: 24-21).

- Bugungi uchrashuvni saytimizda ikki xodim matnli debat tarzida sharhlab borishadi.