Belarus terma jamoasi matbuot xizmati bayonotiga ko'ra, ushbu bahs 2020 yilning 23 fevral kuni Dubayda bo'lib o'tadi.
O'zbekiston futbol associaciyasi ushbu malumotni tasdiqladi.
"Xabaringiz bor, Jahon chempionati-2022 saralashi ikkinchi bosqichi “D” guruhida O'zbekiston milliy terma jamoasi 5 ta uchrashuvdan so'ng 9 ochko jamg'argan holda musobaqa jadvalining 1-pog'onasini egallab turibdi.
2020 yilda bosh jamoamizni mazkur saralash bosqichi doirasidagi 3 ta juda muhim o'yin kutib turibdi. Navbatdagi uchrashuvda Vadim Abramov shogirdlari 31 mart kuni Yaman mehmoni bo'lishadi.
Ushbu uchrashuvga jiddiy tayyorgarlik olib borish maqsadida terma jamoamiz fevral oyida BAAda yig'in o'tkazadi. Mazkur yig'in doirasida Belarus terma jamoasi bilan uchrashuv o'tkazish rejalashtirilgan. O'yin 23 fevral kuni Dubayda tashkil etilishi kutilmoqda" - deyiladi O'FA bergan xabarda.
Bosh sahifaga
1290