“Metallurg”: “Lokomotiv-BFK” yirik hisobda dog'da qoldirildi
/ Kiritdi: BestMaster O'qilgan: 960
Toshkent viloyatining CHirchiq shahrida tayyorgarlik jarayonini davom ettirayotgan “Metallurg” futbolchilari “Kimyogar” stadionida birinchi liga vakili “Lokomotiv-BFK” jamoasiga qarshi nazorat uchrashuvini o'tkazdi.
O'yin bekobodliklarning yirik hisobdagi g'alabasi bilan yakunlandi – 8:0.
Mazkur nazorat-ko'rik o'yinida temiryo'lchilar tarkibida bir qator yosh futbolchilar to'p surganligi bois, jamoalarning mahorati borasidagi farq yaqqol sezilib qoldi. “Metallurg” bilan shartnoma imzolagan Jahongir Abdumo'minov shu kuni xet-trikni rasmiylashtirgan bo'lsa, Zohid Abdullaev hamda Ayubxon No'monovlar dublga erishishdi. Yana bitta gol Jasur Hakimov hisobida yozildi.
“Metallurg” – “Lokomotiv-BVK” – 8:0. CHirchiq. “Kimyogar” stadioni.
“Metallurg”: Zafar Safoev, Davron Karimqulov, Hikmat Hoshimov, Mirg'iyos Sulaymonov, Ulug'bek Xudoyberdiev, Murod Toshmatov, Doniyor Odilov, Ayubxon No'monov, Ergash Ismoilov, Jahongir Abdumo'minov, Zohid Abdullaev.
Zahiradan maydonga tushganlar: Suhrob Sultonov, Dilmurod Karimov, Said Abdujabborov, Sunnat Ermatov, Vusol Mageramov, Jasur Hakimov, Farhod Namozov.
Endi “Metallurg” futbolchilari navbatdagi nazorat uchrashuvni 27 fevral kuni “Olmaliq” jamoasiga qarshi o'tkazishadi.
Bosh sahifaga
186