Bu safar klublarimizning egallagan o'rinlari o'tgan yilgi mavsumga nisbatan qanchalik o'zgargani haqida so'z yuritamiz.
2018 yilgi mavsumda bronza medallariga ega chiqqan "Navbahor" klubi bu yil mavsumni 9-o'rinda tugatdi. Jamoa bir yilda 6 pog'ona pasaydi.
Xuddi shunday holat "Buxoro" bilan ham sodir bo'lganini ko'rish mumkin. Buxoroliklar bir yil avval chempionatni 6-o'rinda tugatishgandi, bu yil esa 12-o'rin egallandi.
2019 yilgi Superligada 13-o'rinda tugatgan "Qizilqum" o'tgan mavsum 8-o'rinni egallagan edi. Navoiyda minus 5.
Bekobodning "Metallurg" va Qarshining "Nasaf" klublari 2018 yilda qaysi pog'onani egallashgan bo'lsa bu yil ham xuddi o'sha o'rinni egallashdi.
Jizzaxning "So'g'diyona" klubida eng katta o'sish kuzatildi. Bir yil avval 12ta klub ishtirok etgan chempionatda 11-o'rinni egallab ligada qolish uchun o'tish o'yinida maydonga tushgan "So'g'diyona" bu mavsum 4-o'rinni qo'lga kiritishdi.
Quyidagi jadvalda barchasini o'zingiz ko'rib olishingiz mumkin:
Klub | 2018 yil | 2019 yil | +/- |
Lokomotiv | 1 | 2 | -1 |
Paxtakor | 2 | 1 | +1 |
Navbahor | 3 | 9 | -6 |
Bunyodkor | 4 | 3 | +1 |
Metallurg | 5 | 5 | 0 |
Buxoro | 6 | 12 | -6 |
Nasaf | 7 | 7 | 0 |
Qizilqum | 8 | 13 | -5 |
Qo'qon-1912 | 9 | 11 | -2 |
AGMK | 10 | 8 | +2 |
So'g'diyona | 11 | 4 | +7 |
Neftchi | 12 | - | - |
Surxon | - | 6 | - |
Andijon | - | 10 | - |
Dinamo | - | 14 | - |
Bosh sahifaga
265