U allaqachon bu jarayonni asta-sekin boshlab yuborgan. Masalan, Federiko Valverde Luka Modrichga qaraganda ko'proq daqiqalarga ega. Ehtimol, Pol Pogbaning yozda Madridga kelishi bilan barchasi yaxshi yakun topar. Lekin yozgacha hali vaqt bor: yana olti oy va qishki transfer bozori. "Real"da yarim himoyani kuchaytirish uchun quyidagi variantlar bor.
Kristian Eriksen
Kristian Eriksenning "Tottenxem" bilan shartnomasi kelasi yil yozda yakunlanadi. Klub prezidenti Deniel Levi qayg'uli holatga duch keladi, chunki 100 million evroga teng o'yinchi bepulga ketib qolishi mumkin. Levi buni xohlamaydi va Eriksen "Real"ga o'tishni ko'pdan beri orzu qilganini inobatga olgan holda "Tottenxem" qishki transfer oynasida uni sotib yuborishi mumkin.
Yaqinda London jamoasi Florentino Peresdan daniyalik uchun 250 million evro talab qildi, ammo endi 100 million evrodan past bo'lgan summaga murojaat etilishi ehtimoli yuqori. Bu "Tottenxem", "Real" va ishbilarmonlik yuzini saqlab qolishga intilayotgan Levi uchun ideal yurish bo'ladi. Ammo ingliz klubi prezidenti Joze Mourinyu yordamida Eriksenni saqlab qolish umidini hali ham yo'qotmagan.
Fabian Ruis
Florentino Peresda ham, Zinedin Zidanda ham bir xil darajada taassurot qoldira olgan futbolchi. Ammo asosiysi bu emas, "Barselona" Fabian Ruisni o'ziga og'dirmoqchi, u yoshi o'tib borayotgan Serxio Busketsning o'rniga taklif etiladi. SHu sababli, "Real" raqibdan ilgarilab ketish yo'llarini izlaydi va ehtimol qishda yarim himoyachi uchun yaxshi taklib bilan chiqishga harakat qiladi. Biroq buni amalga oshirish juda qiyin bo'ladi: "Napoli" egasi Aurelio De Laurentis, yumshoq qilib aytganda, o'ziga xos nozik didli inson va uning "blankos" bilan munosabati hech qachon iliq bo'lmagan.
Malumki, "Barsa" bitta yoki ikkita o'yinchini potencial kelishuvga qo'shishga tayyor va De Laurentis bu yondashuvdan manfaatdor. "Real" puldan boshqa hech narsa taklif qilishni xohlamaydi, Zidan esa Yovichni transfer taklifiga qo'shishga rozi.
Donni van de Bek
Ushbu futbolchi uchun Florentino Peres o'tgan yozda allaqachon muzokaralar olib borgan. Madridliklar Pogba bilan shartnomani kelisha olishmagandi, keyin van de Bek asosiy nomzodga aylandi. U bilan ham kelishuv amalga oshmadi. Ammo jamoalar kelasi hafta transfer muhokamasiga qaytishga tayyor.
Yarim himoyachi haqida Zinedin Zidan iliq fikrda. Murabbiy o'yinchining texnik va jismoniy chidamliligini yuqori baholaydi.
SHunday qilib, "Real" har qanday holatda ham qishki transfer bozorida faol bo'ladi. Uch haftadan so'ng, "qirollik klubi" yana bir yangi yulduz bilan shartnoma tuzganligini eshitishimiz mumkin.
SHerzod Nurmatov tayyorladi.
Bosh sahifaga
1364