Dastlab Gvardiola o'z fikrlarini bildirib o'tdi.
Pep Gvardiola: "Dinamo Z" o'z o'yinlari orqali biz uchun katta syurpriz bo'ldi. Ularda tezkor o'yinchilar bor: ular juda chaqqon. Hozirga qadar guruhda juda yaxshi raqobat vujudga kelgan va guruhdan o'tish uchun ajoyib imkoniyatga ega.
Bizda ko'plab jarohat olganlar bor. Yosh futbolchilar bilan keldik. Vaziyatdan kelib chiqqan holda, eng yaxshi tarkibimiz bilan o'ynaymiz. Allaqachon keyingi bosqich masalasi hal etilgan va hozir CHempionlar ligasidan ko'ra APL muhimroq".
"Fil Foden haqida aytadigan bo'lsam, u ko'p gapirmaydi, muhimi maydonda uyalib qolmaslik va u buni juda yaxshi biladi, bunga amal qiladi. Joriy mavsum u o'syapti, bir qancha hususiyatlarini yaxshilay oladi. Bazan u to'psiz qaror qabul qilish borasida biroz o'ylashi kerak, lekin bu uning yoshida normal holat. Uning o'yinlarida juda ham qoniqyapmiz. David Silva — juda ko'p o'yinlarda g'alaba qozongan va sovrinlar yutgan afsona, ammo biz Fil uning o'rnini egallay olishiga ishonamiz", - deydi Gvardiola.
SHundan so'ng Ilkay Gyundogan ham o'yindan oldin fikrlari bilan bo'lishdi.
"Mahalliy sovrinlarni yutiz CHempionlar ligasida g'alaba qozonishni kafolatlamaydi. Bu APLga solishtirganda boshqa musobaqa. Juda qiyin va pley-off o'yinlarida yana qiyinlashib boradi. ECHLda chempion bo'lishni o'z oldimizga maqsad qilib qo'yganmiz, biroq bunga erishish oson bo'lmaydi", - deydi Gyundogan.
Qayd etish kerak, "Siti" 11 ochko bilan birinchi o'rinni kafolatlab bo'lgan. Ikkinchi yo'llanma uchun "SHaxtyor" (6 ochko), "Dinamo Z" (5 ochko) va "Atalanta" (4 ochko) kurash olib borishmoqda. Bugun guruhdagi so'nggi tur o'yinlari bir vaqtda boshlanadi (Toshkent vaqti bilan 22:55da).
Bosh sahifaga
237