Etiborli jihati bu yilgi barcha finallarda AGMK va “Paxtakor” jamoalari o'zaro to'qnash kelishmoqda.
- Dastlab finaldan oldingi fikrlaringizni bildirsangiz? Qaysi jamoaning imkoniyatlarini yuqori baholaysiz?
- Biz “Paxtakor” bilan finalda to'p tepishga tayyormiz. Raqibimiz anchagina tajribali o'yinchilardan tashkil topgan. Joriy yilda kim chempion bo'lishini oldindan aniq aytish qiyin. Ikki jamoaning imkoniyatlarini teng baholagan bo'lardim. Qaysi jamoa vaziyatlardan unumli foydalansa g'olib o'sha bo'ladi.
- Bu yil siz uchun omadli o'tgani aniq. Boisi, ham terma jamoa, ham klub safida xalqaro maydonda muvaffaqiyatli to'p tepdingiz...
- O'zbekiston milliy terma jamoasi bilan Osiyo chempionati saralash bahslarida ijobiy natija qayd etdik. Nasib qilsa, osiyo chempionatidan medal bilan qaytamiz. Guruhimizdan Bahrayn, Indoneziya, Xitoy kabi termalar joy olgan. Bular shunchaki oddiy termalar emas. Ularni engib jahon chempionatiga chiqishga harakat qilamiz. AGMK bilan klublar o'rtasidagi Osiyo chempionatida qatnashganimdan xursandman. Men uchun debyut musobaqa bo'ldi. Guruhdan chiqib yarim finalga qadar etib keldik. Biz bundan ham yaxshiroq natija ko'rsatshimiz mumkin edi. Omad kelmasa qiyin ekan.
- O'zbekiston terma jamoasi guruhdan chiqqan taqdirda, Tailand yoki Eron bizga raqiblik qiladi...
- Biz ishlashda davom etamiz. Bu terma jamoalarga qarshi murabbiylar Bahodir Ahmedov va Nodir Eliboev echim topishadi deb o'ylayman. Ularni yutadigan vaqtimiz keldi. Muhlislar bizni qo'llab-quvvatlashlarini so'rab qolaman. Bu bizga qo'shimcha ruhiy dalda vazifasini bajaradi.
Abdulaziz Iskandarov yozib oldi
Bosh sahifaga
219