Tokio-2020 Olimpiada o'yinlariga yo'llanma taqdim etadigan mazkur musobaqada Lyubinko Drulovich boshqaruvidagi O'zbekiston olimpiya terma jamoasi yurtimiz sharafini himoya qiladi.
Olimpiyachilarimiz ertaga, 16 dekabr sanasidan boshlab Birlashgan Arab Amirliklarida musobaqa oldidan yakuniy yig'in va o'rtoqlik o'yinlari o'tkazadi, so'ngra Tailandga yo'l oladi.
Bugun poytaxtimizdagi “Ramada” mehmonxonasida O'zbekiston olimpiya terma jamoasi azolarini Osiyo chempionatiga kuzatish marosimi bo'lib o'tdi. Unda keng futbol jamoatchiligi vakillari, Milliy olimpiya qo'mitasi hamda O'zbekiston futbol associaciyasi rahbarlari, taniqli futbolchilar, futbol faxriylari, ota-onalar hamda OAV vakillari ishtirok etishdi.
Samimiy ruhda o'tgan marosimda yaqin o'tmishning mashxur futbolchilari, faxriy sportchilar, shuningdek ota-onalar olimpiya terma jamoamizga oldindagi masuliyatli musobaqada omad va zafarlar tilashdi.
O'zbekiston futbol associaciyasi prezidenti Abdusalom Azizov terma jamoamiz azolariga ishonishini takidlab, olimpiyachilarimizni butun mamlakat ahli qo'llab-quvvatlashini, o'z navbatida futbolchilar ushbu madadni his etgan holda, har bir uchrashuvda vatanimiz shanini munosib himoya qilish uchun maydonga chiqishlari lozim ekanini aytib o'tdi.
Futbolchilar nomidan so'zga chiqqan jamoa sardori Islom Qobilov terma jamoamizning har bir azosi zimmasidagi masuliyatni chuqur his etayotgani, futbolchilar Osiyo chempionatida g'olib chiqish uchun bor kuch va mahoratlarini ishga solishlarini bildirdi.
Bosh sahifaga
227