2019 yilgi mavsumda Superligada jami 35 nafar darvozabon maydonga tushdi.
"Qo'qon-1912" safida eng ko'p, to'rt nafar posbon maydonga tushdi. "Surxon", "Buxoro", "Dinamo", "Andijon" va AGMK jamoalarida uch nafardan darvozabonlar o'yinlarda ishtirok etishdi. Bu mavsum hech qaysi posbon mavsumni to'liq, o'zgarishlarsiz o'tkazgani yo'q.
"Navbahor" posboni O'tkir Yusupov 24ta o'yinda maydonga tushib, 2019 yilgi Superligada eng ko'p uchrashuv o'tkazgan darvozabon bo'ldi. Undan keyingi o'rinni 23ta o'yin o'tkazgan "So'g'diyona" vakili Milan Mitroich egalladi. Asilbek Amonov ("Surxon") va Botirali Ergashev ("Dinamo") 22tadan o'yinda ishtirok etishdi. Azamat Ahmedov ("Surxon"), Akmal Ortiqov ("Andijon") va Nodirjon Ashurmatov ("Buxoro") bu mavsum bittadan o'yinda maydonga tushishdi xolos.
Maydonga tushgan eng yosh darvozabon 2001 yilda tug'ilgan Abduvohid Nematov ("Nasaf") bo'ldi. 1983 yilda tavallud topgan Murodjon Zuhurov ("Bunyodkor") bu mavsum chempionatimizning eng faxriy darvozaboniga aylandi.
O'tkir Yusupov va Abduvohid Nematov bu mavsum ikkitadan penaltini qaytarishdi. Besh darvozabon mavsum davomida bittadan penalti qaytarishdi. Bular Murodjon Zuhurov ("Bunyodkor"), Aleksandr Lobanov ("Metallurg"), Artyom Makosin ("Qizilqum"), Milan Mitrovich ("So'g'diyona") va Botirali Ergashev ("Dinamo").
Eng ko'p "quruq o'yin"ni Asilbek Amonov o'tkazdi. Termizliklar posboni 22ta o'yinning 11tasida o'z darvozasidan gol o'tkazmadi. "So'g'diyona" posboni (23ta o'yinda maydonga tushgan) Milan Mitrovich va "Lokomotiv" darvozaboni (21ta o'yinda maydonga tushgan) Javohir Ilyosov 9tadan uchrashuvda o'z darvozalariga "qulf solib qo'yishdi". O'tkir Yusupov ("Navbahor", 24ta o'yin) va Eldorbek Suyunov ("Paxtakor", 11ta o'yin) 8tadan bahsda gol o'tkazishmadi.
Sakkiz nafar posbon bu mavsum umuman "quruq o'yin" o'tkazishmadi. Bular Sardor Qobuljonov ("Surxon", 5ta o'yinda maydonga tushgan), Akbar To'raev (AGMK, 5), SHirinboy Abdullaev ("So'g'diyona"), Sarvar Karimov ("Qo'qon-1912"), SHohruh Raimov ("Dinamo", 3), SHohruh Eshbo'taev ("Dinamo", 3), Dilshod Hamroev ("Navbahor", 2) va Nodir Ashurmatov ("Buxoro", 1).
2019 yil Superligada eng ko'p golni "Dinamo" darvozaboni Botirali Ergashev o'tkazib yubordi. U 22ta uchrashuvda jami 38 marta o'z darvozasidan to'p olib chiqishga majbur bo'ldi. "Andijon" posboni Vitaliy Mirniy 18ta o'yinda 30ta gol o'tkazdi. Evgeniy CHeremisinni raqiblar 17 uchrashuvda 28 bor ranjitishdi.
Bu mavsum ikki posbon umuman gol o'tkazgani yo'q: "Surxon" vakili Azamat Ahmedov (1ta o'yinda 45 daqiqaga maydonga tushgan) va "Andijon" darvozaboni Akmal Ortiqov (1ta o'yinda 90 daqiqaga maydonga tushgan).
O'rtacha gol o'tkazish borasida "Qo'qon-1912" darvozabonlari "peshqadam" bo'lishdi. Boyan Knejevich 6ta uchrashuvda maydonga tushib 14ta gol o'tkazdi (o'rtacha bitta o'yinda 2,33tadan gol to'g'ri keldi). SHu klub posboni Sarvar Karimov esa 3ta bahsda 7ta gol o'tkazdi (o'rtacha 2,33). "Qizilqum" vakili Artyom Makosin 9ta o'yinda 20ta gol o'tkazdi (o'rtacha 2,22).
Ignatiy Nesterov 5ta urashuvda 1ta gol o'tkazdi (o'rtacha har bir o'yinda 0,2ta gol). 11ta o'yin o'tkazgan va 3ta gol o'tkazgan "Paxtakor" posboni Eldorbek Suyunovda bu ko'rsatkich 0,27ga teng bo'ldi.
Daqiqalar bo'yicha olsak ham Nesterov va Suyunov boshqalardan ustunlik qilishdi. "Lokomotiv" darvozaboni har 450 daqiqada, "Paxtakor" vakili esa har 330 daqiqada o'z darvozasidan to'p olib chiqishdi.
Boyan Knejevich, Sarvar Karimov va SHohruh Raimov har 39 daqiqada o'z darvozasidan gol o'tkazishgan. Artyom Makosinda bu ko'rsatkich 40 daqiqa, Akbar To'raevda 41 daqiqaga teng bo'ldi.
Vitaliy Mirniy, Evgeniy CHeremisin va O'tkir Yusupov qo'riqlagan darvozaga eng ko'p 5 martadan penalti belgilandi. Yusupov ikki marta penaltidan yo'llangan zarbalarni qaytargan bo'lsa, Mirniy va CHeremisin bironta penaltini qaytara olishmadi.
Bu yil Superligada maydonga tushgan legioner darvozabonlar: Milan Mitrovich (Serbiya, "So'g'diyona"), Vitaliy Mirniy (Ukraina, "Andijon"), Evgeniy CHeremisin (Rossiya, "Qizilqum") va Boyan Knejevich (Serbiya, "Qo'qon-1912").
2019 yilgi mavsumda ro'yxatdan o'tgan lekin umuman maydonga tushmagan mashhur darvozabonlar: Mamur Ikromov ("Lokomotiv"), Roman Abdulov (AGMK), Akmal Tursunboev ("Metallurg"), SHohjahon Nasimov ("Buxoro"), Mashhurjon Muhammadjonov ("Nasaf"), Umid Hamroev ("Paxtakor").
Darvozabon | Klub | 1 | 2 | 3 | 4 | 5 | 6 | 7 | 8 |
Yusupov O'tkir | Navbahor | 24 | 2160 | 8 | 19 | 0,79 | 114 | 5 | 2 |
Mitrovich Milan | So'g'diyona | 23 | 2070 | 9 | 25 | 1,09 | 83 | 3 | 1 |
Omonov Asilbek | Surxon | 22 | 1929 | 11 | 25 | 1,14 | 77 | 0 | 0 |
Ergashev Botirali | Dinamo | 22 | 1902 | 4 | 38 | 1,73 | 50 | 4 | 1 |
Ilyosov Javohir | Lokomotiv | 21 | 1890 | 9 | 16 | 0,76 | 118 | 4 | 0 |
Lobanov Aleksandr | Metallurg | 20 | 1800 | 6 | 18 | 0,9 | 100 | 3 | 1 |
Mirniy Vitaliy | Andijon | 18 | 1620 | 3 | 30 | 1,67 | 54 | 5 | 0 |
Sultonov Suhrobjon | AGMK | 18 | 1620 | 3 | 23 | 1,28 | 70 | 3 | 0 |
Davronov Rahimjon | Buxoro | 17 | 1530 | 4 | 21 | 1,24 | 73 | 2 | 0 |
Nematov Abduvohid | Nasaf | 17 | 1530 | 4 | 18 | 1,06 | 85 | 2 | 2 |
CHeremisin Evgeniy | Qizilqum | 17 | 1530 | 2 | 28 | 1,65 | 55 | 5 | 0 |
Quvvatov Sanjar | Paxtakor | 15 | 1350 | 3 | 15 | 1 | 90 | 1 | 0 |
Abdujalilov Abdumavlon | Bunyodkor | 14 | 1215 | 3 | 17 | 1,21 | 71 | 2 | 0 |
Zuhurov Murodjon | Bunyodkor | 13 | 1125 | 4 | 16 | 1,23 | 70 | 3 | 1 |
Abdullaev Islomjon | Qo'qon-1912 | 12 | 1080 | 4 | 17 | 1,42 | 64 | 2 | 0 |
Suyunov Eldorbek | Paxtakor | 11 | 990 | 8 | 3 | 0,27 | 330 | 0 | 0 |
Makosin Artyom | Qizilqum | 9 | 810 | 1 | 20 | 2,22 | 40 | 3 | 1 |
Ergashev Umidjon | Nasaf | 9 | 810 | 3 | 9 | 1 | 90 | 2 | 0 |
Xodjaev Xurshid | Buxoro | 8 | 720 | 2 | 14 | 1,75 | 51 | 2 | 0 |
Matniyazov Ruslan | Andijon | 7 | 630 | 3 | 7 | 1 | 90 | 1 | 0 |
Knejevich Boyan | Qo'qon-1912 | 6 | 540 | 1 | 14 | 2,33 | 39 | 3 | 0 |
Safaev Zafar | Metallurg | 6 | 540 | 1 | 8 | 1,33 | 68 | 0 | 0 |
Abdullaev Muzaffar | Qo'qon-1912 | 5 | 450 | 1 | 7 | 1,4 | 64 | 0 | 0 |
Nesterov Ignatiy | Lokomotiv | 5 | 450 | 4 | 1 | 0,2 | 450 | 0 | 0 |
To'raev Akbar | AGMK | 5 | 450 | 0 | 11 | 2,2 | 41 | 1 | 0 |
Qobuljonov Sardor | Surxon | 5 | 366 | 0 | 8 | 1,6 | 46 | 0 | 0 |
Abdullaev SHirinboy | So'g'diyona | 3 | 270 | 0 | 4 | 1,33 | 68 | 1 | 0 |
Ziyovuddinov Nizomiddin | AGMK | 3 | 270 | 1 | 3 | 1 | 90 | 0 | 0 |
Karimov Sarvar | Qo'qon-1912 | 3 | 270 | 0 | 7 | 2,33 | 39 | 2 | 0 |
Eshbo'taev SHohruh | Dinamo | 3 | 242 | 0 | 4 | 1,33 | 60 | 0 | 0 |
Raimov SHohruh | Dinamo | 3 | 196 | 0 | 5 | 1,67 | 39 | 0 | 0 |
Hamroev Dilshod | Navbahor | 2 | 180 | 0 | 4 | 2 | 45 | 2 | 0 |
Ashurmatov Nodirjon | Buxoro | 1 | 90 | 0 | 2 | 2 | 45 | 0 | 0 |
Ortiqov Akmal | Andijon | 1 | 90 | 1 | 0 | 0 | 0 | 0 | 0 |
Ahmedov Azamat | Surxon | 1 | 45 | 1 | 0 | 0 | 0 | 0 | 0 |
Izoh: 1 - o'yinlar soni, 2 - daqiqa, 3 - "quruq o'yin"lar soni, 4 - o'tkazilgan gol, 5 - o'rtacha o'tkazilgan gol, 6 - o'rtacha nechi daqiqada gol o'tkazgan, 7 - penalti belgilangan, 8 - qaytarilgan penalti.
Narzulla Saydullaev tayyorladi
Bosh sahifaga
1964