U-23 Osiyo chempionatining barcha o'yinlarida VAR tizimidan foydalaniladi

8-26 yanvar kunlari Tailandning Bangkok, Buriram va Songxla shaharlarida qita chempionati final bosqichi o'tkaziladi.

Olimpiada yo'llanmalari uchun bahs olib boriladigan ushbu musobaqa Osiyo futboli tarixidan o'rin oladi. Zero ushbu musobaqa Video Assistant Referee (VAR) tizimi to'liq tartibda foydalaniladigan ilk OFK turniriga aylanadi.

Bilasiz, 2019 yilgi Osiyo kubogining chorak finalidan boshlab VAR tizimi qo'llanilgan edi. Ushbu muvaffaqiyatli sinovdan so'ng qita futbol konfederaciyasi Tailand-2020ning barcha 32 ta o'yinida ham VAR tizimidan foydalanishga qaror qildi.