Unda “Metallurg” futbolchisi Muzaffar Muzaffarovning Superliga doirasida “Navbahor” darvozasiga jarimadan kiritgan goli “Yilning eng yaxshi goli” nominaciyasida eng ko'p ovoz to'pladi. SHu tariqa ushbu sovrin Muzaffarovga nasib etdi. Taqdirlash marosimidan so'ng Muzaffar saytimiz uchun qisqacha intervyu berdi.
- Avvalambor ushbu tadbirda ishtirok etganimdan xursandman. Buning uchun menga ovoz berib, har tomonlama qo'llab-quvvatlagan yaqinlarimga minnatdorchilik bildiraman. Albatta PFL matbuot xizmati tomonidan ijtimoy tarmoqda o'tkazilgan ovoz berish jarayoni meni befarq qoldirmadi va imkon qadar uni kuzatib borishga xarakat qildim. Yakunda eng ko'p ovoz to'plaganimdan mamnunman.
- “Navbahor” uchrashuvda kiritgan o'sha golim uchrashuvda “Metallurg”ga g'alaba keltirgandi. Jarima zarbalarini amalga oshirish bo'yicha mashg'ulotlarda ham astoydil ishlayman. Bahs davomida uzoq masofalardan darvoza tomon zarba yo'llab, omadimni sinab ko'rishga intilaman. Nasib qilsa kelgusi mavsumlarda ham bundanda chiroyli gollarni kiritib, muxlislarga zavq bag'ishlashga bor kuchim bilan xarakat qilaman.
- Keyingi taqdirimni qaysi jamoa bilan bog'lashim hozircha aniq emas. To'g'risi, oldimda bir nechta takliflar turibdi. Ayrim klublar bilan gaplashib turibmiz. Lekin aniq qarorga kelib ulgurmadim. Sababi faoliyatimni xorijda davom ettirishim ham mumkin. Agentlar bu bo'yicha yaqin orada so'nggi gapni aytadi. SHunga qarab ish tutaman. Yashirmayman, menga hozirda OCHLda o'ynaydigan klublardan ham qiziqish bo'lmoqda. Agarda xorijga ketish varianti amalga oshmasa, balki o'zimni OCHLda ishtirok etuvchi klubda sinab ko'rarman. Menimcha bu masala ushbu xaftada aniq bo'ladi – deydi Muzaffarov.
Bosh sahifaga
1278