Namangandagi shou boshlandi FOTOGALEREYA

Stadionga tashrif buyurgan futbolchilar o'zlari istiqomat qilgan bazani ko'zdan kechirdilar. Bunday sharoitda biz to'p tepmaganmiz, nima uchun yaxshi sharoitda autsayder bo'lib yuribdi bu jamoa futbolchilari deguvchilar ko'p bo'ldi. Stadionga kirib kelar ekanlar, sobiq futbolchilar olqishlar og'ushida qoldilar.

SHundan so'ng, viloyat hokimi va futbol federaciyasi prezidenti Bozorov Xayrulla Hayitboevich nutqqa chiqib, 20 yil avvalgi chempionlik uchun bu futbolchilarga Namangan xalqi nomidan minnatdorchilik bildirdi va bugungi avlod ham chempionlikni sog'inib qolgan muxlislar uchun o'ynashlari lozimligini takidlab o'tdi.  SHuningdek, futzal bo'yicha Osiyo chempionatida kumush medal sohibi, terma jamoamizni JCHga chiqishida munosib ulush qo'shgan namanganlik darvozabon Rustam Umarov ham eslab o'tildi. Undan tashqari, Rio Olimpidasi yo'llamasini qo'lga kiritgan Murodjon Ahmadaliev tomon ham iliq fikr bildirib o'tildi.

Hokim o'z so'zini yakuniga etkazgach, futbolchilar bilan esdalik uchun suratga tushdi va mehmonlar VIP loja tomon yo'l oldilar. Ayni paytda stadionda el suygan sanatkorlar, Ozodbek Nazarbekov va Alisher Fayz muxlislarni o'z qo'shiqlari bilan xushnud etyaptilar.

Foto: Nodirxo'ja Yuldashev va Tolibjon Qosimov