"Championat.asia" muxlislarining talqiniga ko'ra yilning eng yaxshi darvozaboni (so'rovnoma)
- Yan Oblak ("Atletiko")
- Alisson Beker ("Liverpul")
- Mark-Andre ter SHtegen ("Barselona")
- Ugo Loris ("Tottenxem")
Mark-Andre ter SHtegen ("Barselona", Germaniya)
Germaniyalik posbonning 2019 yilda erishgan eng katta yutug'i Ispaniya chempionatidagi g'oliblikdir. "Barselona" ECHLning 2018/19 yilgi mavsumida yarim finalgacha etib borishdi. Finalga bir qadam qolganda posbon "Enfild"da 4ta gol o'tkazib yubordi. Ammo, aytib o'tganimizdek ter SHtegenning ajoyib seyvlari "Barselona"ning La Ligani yutishida katta yordam berdi. Germaniya uchun omadsiz kechgan Millatlar Ligasida esa u maydonga tushmadi.
Yan Oblak ("Atletiko", Sloveniya terma jamoasi)
Hozirgi kundagi dunyoning eng qimmat darvozaboni Yan Oblak o'tgan mavsum La Ligada ajoyib seyvlar qayd etdi va jamoasining 2-o'rinni olishida katta yordam berdi. ECHLda esa kombek o'yinlar "Atletiko"ni ham chetlab o'tmadi. "Yuventus"ga qarshi javob o'yinda sloveniyalik posbon darvozasidan 3ta to'p olib chiqdi va jamoa ECHLdagi ishtirokini nimchorak finaldayoq to'xtatishga majbur bo'ldi. 100 million evrolik darvozabon Millatlar Ligasida qatnashmadi. Bundan tashqari, Oblak "Samora" mukofotini ketma-ket to'rtinchi yil qo'lga kiritdi. Malumot uchun, ushbu mukofot La Ligadagi eng yaxshi mavsumni o'tkazgan darvozabonga beriladi.
Alisson Beker ("Liverpul", Braziliya terma jamoasi)
27 yoshli braziliyalik darvozabon uchun 2019 yil balki faoliyatidagi eng yaxshi mavsumdir. SHubhasiz bu yildagi eng katta muvaffaqiyat Evropa CHempionlar Ligasidagi g'alabadir. Alissonning aqlbovar qilmas seyvlari tufayli "Liverpul" muhim uchrashuvlarda g'olib chiqdi va braziliyalik posbon yakunda musobaqaning "Eng yaxshi darvozaboni" mukofotini qo'lga kiritdi. Beker jamoasi APLda alamli tarzda ikkinchi o'rin bilan kifoyalanishgan bo'lsada, braziliyalik darvozabon mavsum davomidagi ajoyib harakatlari tufayli Angliyada "Oltin qo'lqop"ga loyiq ko'rildi. Bu hali hammasi emas. Braziliya terma jamoasining asosiy darvozaboni Kopa Amerika g'olibiga aylandi va u erdagi eng yaxshi darvozabonga beriladigan mukofotni ham o'ziniki qildi. Ha aytganday, Alison birinchi bor tashkil etilgan "Yashin" mukofotining ilk g'olibiga ham aylandi.
Ugo Loris ("Tottenxem", Franciya terma jamoasi)
Ugo Loris ushbu mavsumni ajoyib tarzda o'tkaza oldi. Uning 2019 yildagi eng katta muvaffaqiyati "Tottenxem" bilan birga ECHL finaliga qadar etib borganidir. Aynan franciyalik darvozabonning ajoyib seyvlari londonliklarni sensacion tarzda musobaqa finaliga olib chiqdi. APLning yakunlangan mavsumida esa jamoasining 4-o'rinni olib, ECHLga yo'llanma olishida asosiy ishni qildi. Ammo, Loris APL doirasidagi noyabr oyining boshida o'tkazilgan o'yinda jarohat olib uzoq muddatga safdan chiqdi.
O'z tanlovingizni izohlarda yozib qoldiring (izohlarda o'zingiz munosib deb bilan boshqa darvozabonni ham yozib qoldirishingiz mumkin).
Bosh sahifaga
896