Bu haqda Telegramdagi “Qarshiliklar” (t.me/Qarshiliklar_Rasmiy) kanali Majburiy ijro byurosi Qashqadaryo viloyati boshqarmasi Jamoatchilik bilan aloqalar va huquqiy axborot tarmog'iga tayanib xabar bermoqda.
“SHo'rtan professional futbol klubi” Qarshi tumanlararo iqtisodiy sudining 7.09.2019 yildagi ijro varaqasiga asosan 110 million 663 ming 983 so'm hamda 27.09.2019 yildagi ijro varaqasiga asosan 358 million 344 ming 988 so'm, jami salkam 470 million so'm soliqdan qarzdorligi mavjud edi.
Ogohlantirishlarga qaramasdan, klub qarzdorlikni bartaraf etmagach, Majburiy ijro byurosi Qashqadaryo viloyat boshqarmasi tomonidan majburiy tartibda undirish belgilandi.
Joriy yilning 17 dekabr kuni klub rahbari boshqaruvidagi Malibu va Lasetti hamda klubga tegishli bo'lgan Matiz rusumli engil avtomashinalar hamda avtobus xatlab olindi.
Agar klub Byuro tomonidan belgilangan muddatda qarzdorlikni bartaraf etmasa, bu avtomashinalar sotuvga qo'yilib, tushgan mablag' orqali qarzdorlikni qoplash choralashi ko'riladi” deya xabar bermoqda Telegram ijtimoy tarmog'idagi “Qarshiliklar” (https://t.co/U205kdGpuT) kanali.
Eslatib o'tamiz, dekabr oyi boshida klubga bir necha yillar "Nasaf"da ishlagan SHamil Yarulin bosh menejer, "Nasaf"ning sobiq sardori Botir Qoraev bosh murabbiyi etib tayinlanganligi haqida xabarlar chiqqandi. Ammo keyinchalik klub matbuot xizmati klub rasmiy saytida ushbu xabarlar asossiz ekanligi haqida (http://fcshurtan.uz/?p=9942 ) rasmiy bayonot bergandi.
Bosh sahifaga
241