“Al-Nasr” Toshkent safari oldidan durang qayd etdi
/ Kiritdi: BestMaster O'qilgan: 1227
Yaqinda Saudiya Arabistonining “Al-Nasr” klubiga ispaniyalik Raul Kaneda bosh murabbiy etib tayinlangandi.
Yangi bosh murabbiy kecha “Al-Nasr” bilan birinchi uchrashuvini o'tkazdi. Ar-Riyodliklar Saudiya Arabistoni chempionatining 18-turini o'z maydonlarida “Al-Vahda” klubiga qarshi o'tkazishdi. Uchrashuvning 58-daqiqasida Hasan Al-Raheb tomonidan kiritilgan gol mezbonlarga g'alaba keltirayotgan edi. Biroq 86-daqiqada “Al-Vahda” futbolchisi Muhammad Al-Farsi javob to'pini kirit ib, yakuniy natija durang bo'lishini taminladi – 1:1.
SHu tariqa, “Al-Nasr” Toshkent safari oldidan ochkolar jamg'armasini bittaga boyitdi. Raul Kaneda shogirdlari 18 uchrashuvda 24 ochko jamg'arishgan holda musobaqa jadvalining 7-pog'onasida borishmoqda.
Saudiya Arabistoni chempioni, 18-tur
26 fevral, juma
“AL-NASR” – “AL-VAHDA” 1:1 (0:0)
“Al-Nasr” tarkibi: 22.Abdulloh Al-Enazi, 4.Omar Havsavi, 8.Yahyo Al-Sehri, 10.Muhammad Al-Sahlavi (15.Ahmad Al-Fraydi 81), 13.Muhammad Al-Bishi, 14.Ibrohim G'olib, 18.Gabriel Markinos, 26.SHaya Ali-SHarahli, 27.Avaz Faraj (16.Abdulaziz Al-Jebrin 73), 28.Ahmad Aqqosh, 99.Hasan Al-Raheb (9.Naif Hazazi 67)
Bosh sahifaga
266