Nazorat uchrashuvi. “Bunyodkor” – “Olmaliq” 2:1

Yuzaga kelgan ikki haftalik oraliq paytida “Bunyodkor” va “Olmaliq” jamoalari o'zaro nazorat uchrashuvi o'tkazishdi. Bahsda Sergey Lushchan boshchiligidagi “qaldirg'ochlar” 2:1 hisobida g'alaba qozonishdi.

20-daqiqada G'ulom O'runov o'zining kuchli zarbasi bilan hisobni ochdi. Oradan ko'p o'tmasdan Anvar Rajabov tashkil etilgan chiroyli kombinaciyani ajoyib gol bilan yakunlab, hisobni tenglashtirdi – 1:1. Ikkinchi bo'lim boshlarida “Olmaliq” hujumchisi Alisher SHog'ulomov penaltidan foydalana olmadi. Uning zarbasini Murodjon Zuhurov qaytarishga erishdi. Bo'lim o'rtalarida esa “Olmaliq” darvozasi tomon 11 metrlik jarima zarbasi belgilandi. Penaltini SHaker Zuagi aniq amalga oshirib, “Bunyodkor”ga g'alaba keltiruvchi golga mualliflik qildi.

Umuman olganda, uchrashuv qiziqarli va hujumkor ruhda o'tdi.

O'rtoqlik uchrashuvi
“BUNYODKOR” – “OLMALIQ” 2:1 (1:1)
Gollar: G'ulom O'runov 20 (0:1), Anvar Rajabov 25 (1:1), SHaker Zuagi 74 (2:1)
Amalga oshirilmagan penalti: Alisher SHog'ulomov 51 (darvozabon)
CHetlatishlar: Dilshod Jo'raev 62, Nemanya Yovanovich 62, Minori Sato 70
“Bunyodkor”: Murodjon Zuxurov, Akmal SHorahmedov, Anvar G'ofurov, Xayrulla Karimov, Rustamjon Ashurmatov, Sardor Sobirxo'jaev, Dilshod Jo'raev, Samir Bekrich, Viktor Karpenko, Vohid SHodiev, Anvar Rajabov
Zaxiradan maydonga tushganlar: Georgiy Pogosov, Vyacheslav Purak, Ergash Ismoilov, Sardor Azimov, Minori Sato, SHaker Zuagi
Bosh hakam: Viktor Serazetdinov (Toshkent)