Mazkur musobaqada O'zbekiston olimpiya terma jamoasi Tokio-2020 olimpiya o'yinlari yo'llanmasini qo'lga kiritish uchun bahs olib boradi.
Terma jamoamiz etakchilaridan biri Bobir Abdixoliqov O'FA rasmiy saytiga musobaqa oldi fikrlarini bildirib o'tdi.
"Terma jamoamiz Osiyo chempionatiga tayyor. Bugunga qadar ko'plab yig'inlar, o'rtoqlik o'yinlari tashkil etdik. Endi oldinda bizni masuliyatli uchrashuvlar kutib turibdi. Guruhimiz ancha kuchli terma jamoalardan tashkil topgan. Biz har bir raqibni hurmat qilamiz, lekin ulardan aslo qo'rqayotganimiz yo'q. Maqsadimiz – Osiyo chempioni bo'lish, shuning uchun ham musobaqadan faqat ijobiy natijalarni kutyapman. O'z o'rnida men ham ko'proq gol urib, terma jamoamiz g'alabalariga hissa qo'shish niyatidaman", - dedi mahoratli futbolchi.
Bosh sahifaga
863