Robbim Hasanov: “Andijon” hozirgi tarkibi bilan 9-o'rinni band eta oladi”

Biz "Navbahor"ning sobiq azosi bilan o'tgan mavsum va yangi mavsum haqida suhbatlashdik.

“Ikki yil davomida “Navbahor” safida o'ynadim. Jamoa safida ajoyib ikki mavsumni o'tkazdim. Yangi mavsumni “So'g'diyona” safida boshlashim kutilayotgandi. Ammo “Andijon” rahbariyati va Baxtiyor Ashurmatovning taklifiga ko'ra shu jamoaga o'tdim. Baxtiyor Ashurmatov juda talabchan va mag'lubiyatga uchrashni yomon ko'radigan murabbiy hisoblanadi. U ham inson sifatida boshqalarga o'rnak bo'la oladi. 

“Andijon” muxlislari talabchan ekanini bilaman. Avvalo futbol muxlislar uchun o'ynaladi. SHu sababli ularni g'alabalar bilan xursand qilishga harakat qilamiz.

Yangi mavsumdagi maqsadimiz jamoaning o'tgan yilgi natijasini yaxshilash. SHaxsiy maqsadimga kelsak, ko'proq o'yinlarda maydonga tushish va albatta gol urish (kuladi).  
Tarkibimiz ancha kuchli futbolchilardan iborat. SHaxsiy fikrimcha, 2016 yilgi mavsumda “Andijon” 9-10-o'rinlarni egallashga kuchi etadi. Buning uchun barcha yigitlardan mehnat qilish va oxirigacha kurshaish talab etiladi. Murabbiylar shtabi ham kuchli mutxassislardan iborat. Ashurmatov haqida aytib o'tdim. SHuhrat Maqsudov bir necha yil davomida terma jamoada ishladi. Zohid Nurmatov bilan “Navbahor”da birga ishlaganman. Yangi mavsumdan umidimiz katta", - deydi Robbim Hasanov.