Kecha ikki mahal maydonda shug'ullangan "temiryo'lchilar"ning bugungi ish tartibi biroz boshqacha kechdi.
Futbolchilar dastlab tushgacha nazariy mashg'ulotda ishtirok etishdi. Bunda jamoa bosh murabbiyi futbolchilarning mashg'ulotdagi harakatlarini videoyozuv orqali ko'rsatib berdi. Xatolar aytildi va ularni to'g'rilash yo'llari ko'rsatildi. SHuni aytish lozim, himoyalanuvchilar va hujum qiluvchilar uchun ikkita alohida nazariy dars tashkil etildi.
Kechki payt jamoa azolari dastlab trenajyor zalida shug'ullanib, so'ngra maydonga chiqishdi. Maydondagi mashqlar to'p bilan ishlash va taktik to'g'ri o'ynashga qaratildi. "Loko" ertaga ikki mahal maydonda shug'ullanadi. Murabbiylarning aytishicha, ertangi mashg'ulot birmuncha qiyin bo'ladi.
Abu Dabida yig'in o'tkazayotgan "Lokomotiv" tarkibida uch nafar darvozabon shug'ullanyapti. Bular - Ignatiy Nesterov, Javohir Ilyosov va Rustam Nartajiev.
Aytish mumkinki, tajribali darvozabonlar murabbiyi Pyotr Gizimchuk qo'l ostida har uchala darvozabon ham astoydil mehnat qilmoqda. Mashg'ulotlar davomida mahoratli Nesterov o'z tajribasini yoshlar bilan bo'lishmoqda.
Bosh sahifaga
294