Belgiyaliklarning hurmati yoki "Anderlext" UEFA yoshlar ligasining chorak finalida o'ynashni istamadi

Oldinroq saytimizda "Valensiya" UEFA yoshlar ligasida hisoblanmagan penalti sabab "CHelsi"ga mag'lub bo'lganini xabar qilgan edik. Keyinroq ispaniyaliklar appelyaciya berishdi.

Ammo ushbu voqea turnirning bu bosqichida yuz bergan yagona mojaro emas. "Anderlext" yoshlari zagreblik ("Dinamo") tengdoshlariga 0:2 hisobida mag'lub bo'lishdi. Ammo xorvatlar "Barselona"ga qarshi musobaqaning 1/4 final bahsida maydonga tushmasa kerak. CHunki "Anderlext"ga qarshi o'yin tugashiga 7 daqiqa qolganda "Dinamo" sariq kartochkalar tufayli uchrashuvni o'tkazib yuborishi kerak bo'lgan Matiya Fantich maydonga tushdi. Eng qizig'i, belgiyaliklar appelyaciya berishmadi.

"Biz ularning joyini egallab olmoqchimiz. Zagrebliklar bizni maydonda halol mag'lub etishdi va biz tomondan appelyaciya berish to'g'ri bo'lmas edi. Zaxiradan o'yinga qo'shilgan futbolchi natijaga hech qanday tasir ko'rsatmadi. Kuchli jamoa g'olib bo'ldi" - deydi "Anderlext" rahbarlaridan biri Jan Kindermans.

SHunga o'xshash voqea 2014 yil CHempionlar ligasi saralash bahsida sodir bo'lgan. "Legiya" "Seltik"ni 6:1 hisobida mag'lub etadi, ammo shotlandiyaliklar keyingi bosqichga o'tishadi. Javob uchrashuvining oxirgi daqiqalarida maydonga o'ynashga haqqi yo'q bo'lgan Bartosh Berezinski chiqadi. Himoyachi oldingi mavsumda Evropa ligasi uchrashuvida chetlatilgan edi va u uch o'yinlik diskvalifikaciya yakuniga etmasdan maydonga qaytadi. SHotlandiyaliklar appelyaciya berishdi va UEFA ularni keyingi bosqichga o'tkazdi.

Qiziq, agar yoshlar ligasida ham CHempionlar ligasidagi sovrin jamg'armasi bo'lganida, belgiyaliklar qanday yo'l tutgan bo'lar edi?

"Anderlext" keyingi bosqichga chiqishni istamasligiga etibor bermagan UEFA tekshiruv ishlarini boshlab yuborgan. Bugun ushbu ish va "CHelsi" - "Valensiya" uchrashuvidagi penaltilar seriyasi borasidagi qaror elon qilinadi.