Jerrard shogirdlari o'tgan oy chempionat doirasida 6 o'yin o'tkazib, ularning 5tasida zafar quchdi va yana bir uchrashuvda murosa yo'li tanlandi. Eng asosiy muvaffaqiyat esa azaliy raqib “Seltik”ka qarshi bahsda (2:1) qayd etildi.
Angliyalik mutaxassis mavsumda ikkinchi bor (sentyabr bilan birga) oyning eng yaxshisi sifatida etirof etildi.
Glazgoliklar SHotlandiya Premer-ligasi 21 turidan keyin 50 ochko bilan 2 o'rinda borishmoqda. Bitta ko'p o'yin o'tkazgan peshqadam “Seltik”da esa 52 ochko mavjud.
Avvalroq, Stiven Toshkentning “Lokomotiv” klubiga qarshi o'tkaziladigan o'rtoqlik uchrashuvini sabrsizlik bilan kutayotgani haqida xabar berilgandi. Bo'lajak to'qnashuv 11 yanvar kuni Dubaydagi "Sevens" stadionida bo'lib o'tadi.
Bosh sahifaga
255