Aynan u sabab millionlab bolakaylar futbolga, bevosita "Milan"ga muxlis bo'lib qolgan, mahallalarda o'zlarini Pippo deb chaqirishlarini istardi.
Hozirgi davrga kelib esa Filippo Inzagi murabbiy sifatida B Seriya rekordini o'rnatdi – uning "Benevento"si 19 turda 46 ochko to'pladi.
Simone Inzagi "Lacio" rekordini yangiladi – chempionat doirasida qatorasiga to'qqizta g'alaba, parallel ravishda Italiya Superkubogi qo'lga kiritildi.
Aka-ukalar endi murabbiy sifatida natija ko'rsata boshladi, ular qanday natijaga erisha olarkin? Umuman murabbiy sifatida qay darajagacha chiqa olishadi? Buni vaqt ko'rsatadi, ammo boshlanishi unchalik yomon emas.
Ularning otasi Jankarlo shunday deydi:
"Biz 40 yil oldin qanday bo'lgan bo'lsak, o'sha-o'shamiz. Kuniga 3-4 marta gaplashib turamiz. Simone doim o'yin tugagach telefon qiladi. Uchrashuv tugagach, u telefon qilguncha, ko'pi bilan 4 daqiqa o'tadi. Bazan faqat ikki og'iz gap aytadi, bazan ko'proq gaplashamiz. Superkubokdagi g'alabadan so'ng u menga maydondaligidayoq telefon qildi.
Pippo final hushtagidan 15-20 daqiqa o'tgach, qo'ng'iroq qiladi. Ko'pincha biz taktika borasida bahslashamiz".
"Pippo "Yuventus" rekordini yangilay oldi. Tasavvur qilyapsizmi, axir o'shanda jamoada Buffon, Del Pero, Trezege, Kamoranezi va ko'plab yulduzlar harakat qilardi… Bu ulkan xursandchilik, katta natija. "Lacio"ning Superkubokdagi g'alabasi ham undan qolishmas hislarni taqdim etdi".
"Xasad? Bizning oilamiz lug'atida bunday so'zning o'zi yo'q. Ular bir-birlarining g'alabasidan quvonadilar va biror ish o'xshamasa, bir-birlariga qayg'uradilar. Ular bahslashgani, yoki bir-birlarini tanqid qilganlarini hech qachon eshitmagan".
"O'yinlarni qanday tomosha qilamiz? Ayolim boshqa xonada, men mehmonxonada ko'raman. Pardalar to'liq tortiladi, hech qanday yorug'lik bo'lmasligi kerak. 15 daqiqadan so'ng xona tutun bo'lib ketadi. Faqatgina o'yin kunlari men tamaki va likyorga murojaat qilaman".
"Benevento" prezidenti Pippo bilan suhbatdan so'ng, undan hayratda qolganini aytgandi. Ularning birinchi uchrashuvidan 10 daqiqa o'tgach, Filippo stolda apelsinlar yordamida prezidentga jamoa qanday harakat qilishini tushuntirib ketgan.
Umid qilamanki, ularning har ikkisi yaxshi murabbiy bo'lib etishadi. Asosiysi biz har qanday vaziyatda bir-birimizni tashlab qo'ymaymiz. Menimcha, oila ana shunday bo'lishi kerak".
Nozima Zaripova tarjima qildi
Bosh sahifaga
282