Uchrashuvdagi yagona gol rimliklar hujumchisi CHiro Immobile tomonidan kiritildi. O'sha vaziyatda neapolliklar posboni David Ospina uzoq vaqt to'pni qaysi tomonga tepib yuborish borasida aniq bir qarorga kela olmadi. Natijada hujumchi to'pni darvozabondan olib qo'ydi va uchrashuvdagi yagona golga mualliflik qildi.
“O'tkazib yuborgan golimizdan shikoyat qila olmayman. CHunki bunday holatlar futbolda bo'lib turadi. Ospina to'pni sheriklariga uzatib berishga harakat qildi. Agar u shunchaki to'pni minbar tomonga tepib yuborganida, jahl qilishim mumkin edi.
Insonlar faqat xatolarni kuzatishadi. 20 ta muvaffaqiyatli to'p oshirishni, himoyadan hujum tashkil qilishni guyoki ko'rmay qolishadi.
Jamoaga murabbiy etib tayinlanganimdan keyin kulguli gollar o'tkazayapmiz. Ammo jamoa to'g'ri yo'lda, ular men nimani istayotganimni tushunib turishibdi va uni amalga oshirishga harakat qilmoqda.
Yillar davomida jamoa Italiyada namunali futbol namoyish etib keldi, o'zining aniq bir uslubiga ega edi. Endi yana o'sha uslubga qaytishga harakat qilmoqdamiz.
Biz o'zimizga bo'lgan ishonchi qaytarish uchun ketma-ket uchrashuvlarda yaxshi natijalarni qayd etishimiz kerak. Ayni paytda jamoada ruy bergan holatlarni judayam ko'p o'ylab yuborayapmiz. Bizda sifatli jamoa bor, ishlashimiz va mehnatlarimiz samarasiga ishonishimz kerak. G'alaba qozonish kerak, turnir jadvaliga qarash shart emas.
SHaxsiy maqsadim- har qanday natijaga qaramay “Napoli”da qolish. SHu bois futbolchilarni o'z kuchlariga ishontirib, g'alabalar sari ruhlantirishga intilishda davom etaman”, dedi Gattuzo “Sky Sports”ga bergan intervyusida.
Bosh sahifaga
936