“Lokomotiv” ertaga oq-qizil libosda o'ynaydi
/ Kiritdi: BestMaster O'qilgan: 1174
“Al-Ittixod” – “Lokomotiv” bellashuvi oldidan har ikki jamoa rasmiylari ishtirokida miting bo'lib o'tdi.
Unda klublar qanday liboslarda uchrashuvni o'tkazish borasida o'zaro kelishib olishdi.
“Lokomotiv” uy uchrashuvini qizil rangli futbolka hamda oq rangli shortikda o'tkazgandi. Ertangi bellashuvda esa shuning aksini ko'ramiz. Oq rangli futbolka, qizil rangdagi shortikda futbolchilarimiz to'p surishadi. “Al-Ittixod” esa ustidagi futbolkani o'zgartirmadi. “Qirol Abdulloh” stadionida ular odatdagidek sariq-qora rangli libosda harakat qilishadi. O'zgarishni shortik hamda getrada ko'rish mumkin. Toshkentda qora rangli shortik hamda getralarda maydonga chiqib kelgan futbolchilar, ertaga oq rangli kiyimlardan foydalanishadi.
Eslatib o'tamiz, o'yin Toshkent vaqti bilan 22:30 (mahalliy vaqtda 20:30)da boshlanadi.
1 mart, 2016. “Qirol Abdulloh” stadioni.
AL-ITTIXOD (S. Arabistoni) – LOKOMOTIV (O'zbekiston)
Hakamlar: Kim Dong Jin, Li Jung Mi, Song Bongkeun (barchasi J. Koreyadan), Zaid Tamir Muhamad (Iroq).
Nazoratchi: Ali Muhammad Said (BAA).
Inspektor: Davlatmand Islomov (Tojikiston).
Bosh sahifaga
1128