To'raqo'rg'ondagi “Odil Junior” futbol akademiyasining suniy qoplamali maydonida bo'lib o'tgan mazkur nazorat - sinov bahsida namanganliklar ustozi Andrey Kanchelskis maydonga asosan ko'rikdan o'tayotgan legionerlarni tushirib, ularning qanday mahoratga ega ekanliklarini sinab ko'rdi.
Ushbu o'yinda “Navbahor” har bir bo'limda har xil tarkib bilan harakat qildi. Uchrashuvda yaypanliklar 2:1 hisobida g'alaba qozonishdi. “Turon”ning gollariga Muhammadkomil Nizomov va Xurshid Asqaraliev mualliflik qilishgan bo'lsa, “lochinlar”dan to'pni rossiyalik yarim himoyachi Stanislav Efimov kiritdi.
Takidlash joizki, 1-bo'lim durang 1:1 hisobida yakunlangandi. Hisobni yaypanliklar ochishgan, unga namanganliklar javob qaytarishgandi.
Biroq uchrashuvning hakam tomonidan qo'shib berilgan vaqtida urilgan goldan so'ng, yaypanliklarga yutuqni nishonlashdi.
Mazkur bahsda “Navbahor” tarkibida quyidagi futbolchilar harakat qilishdi:
1-bo'limda: Isroil Obidjonov, Doniyor Umarov, Abdulaziz Nishonboev, Iskandar Siddiqjonov, Tohir SHamsitdinov, Bunyamudin Mustafoev, Fuat Bayramov, Akram Bahriddinov, Vilim Posinkovich, Stanislav Efimov, Mbassi Emmanuel Rikardo.
2-bo'limda: Jasur Turg'unov, Mahmud Najmiddinov, Aleksey Kurilov, Javohir Olimjonov, Amirxon Ibrohimov, Abdurashid Valijonov, Dmitriy Skoblov, Abdulhay Ismoilov, Bilol Toshmirzaev, Gregori Nelson, Artyom SHerbak.
Namanganliklar navbatdagi nazorat - sinov uchrashuvini 16 yanvar kuni yana bir Pro-liga vakili Farg'onaning “Neftchi” jamoasiga qarshi o'tkazishadi. Ushbu bahs Farg'onada bo'lib o'tadi.
“Navbahor” PFK matbuot xizmati.
Bosh sahifaga
1124