Zlatan va Krishtianu bu liga porlashida o'z hissasini qo'shishmoqda, Konte esa intriga bilan yordam beryapti, ammo eski va qadrdon Italiya hech qaerga ketgani yo'q.
Pastroqda - dam olish kunlarining eng asosiy surati. "Verona" - "Jenoa" uchrashuvidan oldin stadion xodimlari chiziqni qaytadan chizib chiqishmoqda, chunki qizil aravachali kishi birinchi urinishda buni uddalay olmadi.
Uchrashuv bosh hakami o'yindan oldin maydonni ko'zdan kechirayotganda chiziq to'g'ri emasligini payqab qoldi. Natijada kimningdir ish kunini uzaytirishga va chiziqni qaytadan chizish, aniqrog'i uning ustidan to'g'irlashga majbur bo'lishdi. Bahs 15 daqiqa kech boshlandi, chunki VAR davrida bu hazil narsa emas. Oddiy ip orqali chiziq to'g'irlandi.
Ammo baribir u ideal chiqmadi. O'yin paytida chiziq shunday ko'rinishda edi. Darvozabon zonasi chegarasi bo'yalgani ko'rinib turgandi.
Aytgancha, uch yil oldin huddi shunday voqea MLSda sodir bo'lgan: "Monreal" - "Toronto" uchrashuvidan oldin referi chiziq bo'yicha qoidabuzarlik borligini aniqladi. Jarima maydonchasi kichiklashib qolgan ekan. Qaytadan chizishga to'g'ri keldi: Avval eskisini bo'yab, keyin yangisini chizishdi. Natijada bahs 32 daqiqa kech boshlandi.
Bosh sahifaga
1226