Yosh futbolchilar bilan ishlashda o'rnak ko'rsatib kelayotgan murabbiylar Ro'ziqul Berdiev va Asror Aliqulov “C” guruhidan o'rin olgan 3-tur bahsi oldidan o'yin haqidagi fikrlarini va taxminlarini Qashqadaryodagi muhbirimiz Nomoz CHorievga malum qilishdi.
"Bu o'yin biznikilar uchun muhim hisoblanadi. Janublik koreyslarni mag'lub etish yoki ulardan ochko tortib olish uddalasa bo'ladigan vazifa. Har bir futbolchi asosiy tarkibda o'ynashga loyiq deb uylayman. Agarda yigitlar o'zini 100% o'yinini ko'rsata olishsa uch ochkoli bo'lishimiz tayin. Yigitlarimizdan faqat g'alaba kutaman. Taxminim bo'yicha yakuniy hisob O'zbekiston foydasiga 2:1 ko'rinishini oladi”, - deydi Ro'ziqul Berdiev "Nasaf" bosh murabbiyi.
Asror Aliqulov esa ushbu qarama qarshilikda durang natija qayd etilishi haqiqatga yaqin ekanligini alohida takidlab o'tdi.
"Guruhimizda gollar ko'p bo'lmayapti. O'zbekiston - Janubiy Koreya bahsida yirik hisob qayd etilmasa kerak. Koreys yoshlariga qarshi hujumkor futbol namoyish etishimiz maqsadga muvofiq bo'lar edi. Futbolchilarimizning guruhdan chiqishi uchun bir ochkoning o'zi kifoya qiladi. Menimcha uchrashuvda 1:1 hisobi bilan tugasa kerak. Yigitlarimizga omad tilayman. Zero shukuhi xalqimiz olimpiyachilarimiz uchun zangori ekrandan ko'z uzishmaydi", - deydi "Mashal" bosh murabbiy Asror Aliqulov.
Nomoz CHoriev tayyorladi
Bosh sahifaga
308