Bahodir Ahmedov terma jamoadagi yo'qotishlar va Ozarbayjonga necha nafar o'yinchi olib ketishi haqida gapirdi

Kechagi mashg'ulotlar haqida biroz avval batafsil malumot bergan edik. Quyida esa bosh murabbiy Bahodir Ahmedovning fikrlarini o'qishingiz mumkin.

Foto Futzal. O'zbekiston MTJ tarkibida yo'qotishlar bor, kechagi mashg'ulotdan GALEREYA

"Mashg'ulotlar ko'ngildagidek davom etayapti. Faqatgina Davron CHorievda jarohat bor va mashg'ulotlarda ishtirok eta olmayapti. Hozircha u individual tarzda shug'ullanmoqda. Qolgan hamma sog'-salomat va ulardan ko'nglim to'q", - deya fikrlarini boshladi B.Ahmedov.

- CHoriev o'ng oyoq suyagi dars ketishi sabab Ozarbayjonga bormasligi aniq bo'libdi. U Osiyo chempionatiga qadar safga qaytishga ulguradimi?
- Terma jamoa shifokorlari bilan bu borada suhbatlashdik. Ular menga Davron qita birinchiligiga qadar tiklanishga ulgurishi aytishdi. SHunga umid qilamiz.

- Bugungi mashg'ulotda Javlon Anorov hamda Artur Yunusov ko'rinmadi. Sabab?
- Javlon shaxsiy sababga ko'ra ertalabki mashg'ulotni o'tkazib yubordi. Kechqurungi mashg'ulotda u yana biz bilan birga bo'ladi. Artur esa jarohati borligi sabab terma jamoa ixtiyoridan ketdi. Lekin, u Osiyo chempionatiga borishi mumkin bo'lgan o'yinchilar 25taligida qoladi.

- Ozarbayjonga necha nafar futzalchi olib ketiladi?
- Bokuga 15 nafar futzalchini olib ketamiz. Ulardan ikki nafari darvozabon, 13 nafari o'yinchi bo'ladi.

Eslatib o'tamiz, Turkmaniston mezbonlik qiladigan Osiyo chempionati shu yilning 12 sentyabrdan 4 oktyabrga qadar Litvada o'tkaziladigan Jahon chempionatiga yo'llanma beradi.