Samarqandliklar yangi mavsumga 10 yanvar kuni tayyorgarlikni boshlashlari rejalashtirilgan edi. Biroq 15 yanvar ortda qoldi hamki, jamoa yig'ilgani yo'q. Faqat mahalliy futbolchilar o'z sport formalarini ushlab turish maqsadida yugurib turishibdi.
O'tgan mavsum "Dinamo"da o'ynagan bir qator futbolchilarning saytimizga malum qilishicha, klub o'yinchilarga oxirgi 4 oylik maoshlarini bermagan. Bazi futbolchilar "Dinamo" bilan shartnomani bekor qilishni so'rab PFLga murojaat qilishgan.
Bir necha kun oldin klub menejeri Ilhom SHaripov saytimizga intervyu berib 15 yanvar kuni rahbariyat bilan uchrashib, jamoaning kelajagiga aniqlik kiritilishi haqida aytgandi.
Bosh sahifaga
357