Bungacha Turkiyaning "Go'ztepa" klubi sharafini himoya qilgan Derdiyok "sherlar" safida qancha maosh olishi malum bo'ldi. Bu haqda SHahboz Beg'amov o'zining Telegramdagi kanalida malum qildi.
"Paxtakor" OCHLda yaxshi natija ko'rsatish uchun tarkibni, ayniqsa hujum chizig'ida yakuniy "nuqta"ni qo'yadigan yuqori darajadagi hujumchi izlayotgandi. Jamoa dastlab Mario Gomez nomzodiga qiziqqan. Biroq "Paxtakor" Gomezga taklif qilgan 3 million evro germaniyalik hujumchini qoniqtirmagan. Keyinchalik jamoa Adebayor variantini jiddiy o'yladi. Lekin Adebayorga "Paxtakor" tomonidan taklif qilingan 2,5 millionlik yillik maosh maqul kelmadi. Natijada "Paxtakor" avval Arveladze qo'l ostida o'ynagan, Evropa futboli havosidan nafas olgan va nisbatan hali futbol o'ynaydigan yoshda bo'lgan Eren Derdiyok nomzodiga to'xtaldi. Eren avvalgi "Go'ztepa" jamoasida yiliga 2,15 million evro maosh olgan. "Paxtakor" esa Bundesligada va "Bazel" orqali ko'pchilikka tanish hujumchini olib keldi. Eren ayni paytda Abu-Dabida bo'lib turgan "Paxtakor" qarorgohiga borgan va jamoa safiga qo'shilgan.
Norasmiy malumotlarga ko'ra, "Paxtakor" Gomez va Adebayor bilan kelisha olmagan mablag'ni Derdiyok bilan kelishishga erishgan. SHveycariyalik hujumchi 2-2,5 million evro atrofida maosh oladi.
Bir narsani unutmaslik kerakki, Evropada o'ynab turgan hujumchini bizning chempionatga jalb etuvchi eng asosiy omil bu pul. Derdiyok Osiyo futboli o'lchovida top darajaga tortadi. Nisbatan nomdor, biroq qariyalardan ko'ra Erenga o'xshagan hali formasini yo'qotmagan va mahorati yuqori bo'lgan futbolchini qo'lga kiritish "Paxtakor" uchun chinakam yaxshi transferga aylandi" - deb yozadi Beg'amov o'z kanalida.
Bosh sahifaga
316