“Gazchilar” rahbariyati bo'lajak chempionat oldidan tarkibini kuchaytirish maqsadida, bir qator o'yinchilarni jamoaga taklif etmoqda. Xususan, o'tgan mavsum “Dinamo”da o'ynagan tajribali himoyachi Abbos SHodmonov, “Buxoro” darvozasini qo'riqlagan va ijara muddati yakuniga etgan Rahimjon Davronov yana “Mashal”ga qaytdi.
SHuningdek ilgari ham “Mashal” tarkibida o'ynagan, lekin 2019 yilgi chempioatni “Buxoro”da o'tkazgan chap qanot yarim himoyachisi Jamoliddin Ubaydullaev, “Nefchi” bilan xayrlashgan markaziy yarim himoyachi Javohir Rasulov yangi mavsumni “gazilar” safida boshlaydigan bo'ldi.
Undan tashqari muborakliklar “Neftchi”ning iqtidorli futbolchisi Ibrohim No'monovni yil so'nggiga qadar ijara olgan bo'lsa, xuddi shunday tartibda “Bunyodkor” azosi Jahongir Abdusalomov ham “Mashal” o'quv-yig'in mashg'ulotiga kelib qo'shildi.
Bosh sahifaga
2051