Xayrulla Abdiev: “Oldimizga elitaga chiqish vazifasi qo'yilgan”
/ Kiritdi: BestMaster O'qilgan: 1455
Kecha birinchi liganing 5-turidan o'rin olgan “UzDongJu” – “Obod” (1:1) uchrashuvi yakuniga etgach har ikki klub bosh murabbiyining fikrlari bilan qiziqdik.
Dastlab mehmonlar jamoasi katta murabbiyi Xayrulla Abdievga yuzlandik.
- O'yin haqida nima deyish mumkin? Raqibimiz “UzDongJu” yaxshi shakllangan jamoa ekan. Bugun ular o'z maydonida yutishga intildi. Lekin bizning futbolchilar ham ijobiy natija bilan ortga qaytish maqsadida astoydil xarakat qilishdi. Nazarimda yakuniy natija o'yinga mos bo'ldi – deya gap boshladi Abdiev.
- Ikkinchi taymda muxlislar yanada shiddatli o'yinga guvoh bo'ldi deb o'ylayman. Har ikki jamoada ham yana gol urish uchun imkoniyatlar bo'ldi. Ayniqsa bizning futbolchilarda bir nechta qulay vaziyatlar tug'ilgandi. Ammo omadimiz kelmadi.
- Birinchi bo'lib hisobni ochganimizdan so'ng yigitlar o'zlarini biroz bo'shashtirib yuborishdi. Natijada mezbonlar ham ko'p o'tmay javob to'pini kiritdi. Qolaversa “UzDongJu” hisobni tenglashtirganidan so'ng asosan qarshi hujumda o'ynagani sababli ham yana gol urishimiz qiyinlashib bordi.
- Oldimizga elitaga chiqish vazifasi qo'yilgan. Ayni damda shunga xarakat qilmoqdamiz. Bu borada “Obod”ga “Oq-tepa” yoki “Xorazm” sherik bo'ladi deb o'ylayman.
Islombek Rustambekov suhbatlashdi.
Bosh sahifaga
171