"Lokomotiv" Tojikiston jamoasiga yutqazdi va OCHL bilan xayrlashdi

OCHL-2020
Ikkinchi saralash bosqichi
21 yanvar (seshanba)
«Lokomotiv» (O'zbekiston) – «Istiqlol» (Tojikiston) 0:1

Gol: Alisher Jalilov (60)
Bosh hakam: Hussayn Abu Yahyo (Livan).
Qanot hakamlari: Samir Badr, Rabih Omeyrat (ikkisi – Livan).
Zaxira hakami: Ali Rizo (Livan).
Hakamlar nazoratchisi: Ahmad Yoqub Muhammad Juma (BAA).
Komissar: Oya Takeyuki (Yaponiya).
Toshkent, «Lokomotiv» stadioni.

"Lokomotiv": 1.Ignatiy Nesterov, 5.Slavko Damyanovich, 6.Davronbek Umirov, 7.Kaxi Maxaradze, 9.Kirill Pogrebnyak, 10.Marat Bikmaev, 17.Sardor Mirzaev, 24.Davron Hoshimov, 33.Oleg Zoteev, 77.Diyor Turapov, 80.Farruh Ibrohimov.

Zaxira: 35.Javohir Ilyosov, 11.Temurxo'ja Abduholiqov, 19.Avazbek O'lmasaliev, 22.Komron Saydazimov, 23.Abdul Aziz Yusupov, 25.Javohir Alijonov, 37.SHerzod Fayziev.

"Istiqlol": 1.Rustam Yatimov, 2.Marko Milich, 3.Davlatmir Tabrezi, 5.Iskandar Jalilov, 6.Zoir Jo'raboev, 7.Viktor Svejov, 10.Alisher Jalilov, 14.SHeriddin Boboev, 17.Panshanbe Ehsoni, 21.Larin Oleksey, 63.Manuchehr Jalilov.

Zaxira: 16.Dilshod Dodoboev, 11.Muhammadjon Rahimov, 12.Ziyovudin Fuzaylov, 13.Rustam Soirov, 19.Xurshed Jo'raev, 25.Saidmuhtor Azimov, 27.Jamshed Rahmonov.

O'YIN YAKUNLANDI.

90. Timurxo'ja Abduholiqov hisobni tenglashtirishi mumkin edi, ammo uning jarima maydonchasi yonida bergan zarbasi o'ta bexato.

88. "Lokomotiv" so'nggi daqiqalarda ko'proq hujumga o'tmoqda, ammo tojikistonliklar himoyada bexato o'ynashmoqda.

81. Fyodorov navbatdagi o'zgarishni amalga oshirdi: Abdul Aziz Yusupov Diyor Turapovni almashtirdi.

80. Burchakdan uzatilgan to'pni Abduholiqov boshi bilan darvozaga yo'lladi, to'p esa yo'l-yo'lakay himoyachining boshiga tegib maydondan chiqib ketdi.

77. Bugungi uchrashuvni 4256 muxlis stadiondan kuzatib bormoqda.

74. Vakillarimizning o'yini umuman qovushmayapti. Hisobni tenglashtirish uchun zarba berish kerak. "Lokomotiv" uchun esa aynan shu ish qiyinlashib bormoqda.

69. "Lokomotiv" gol o'tkazib yuborgandan so'ng hujumlarga zo'r berishni boshlamoqda, ammo zarbalarsiz.

62. "Lokomotiv"da ilk o'zgarish: Temurxo'ja Abduholiqov Kirill Pogrebnyakni almashtirdi.

60. GOOOOOL!!! Alisher Jalilov uzoq masofadan "Lokomotiv" darvozasini ishg'ol qildi. Super gol! Nesterov ham bu vaziyatda jamoasini qutqarolmadi.

54. "Istiqlol" ham "Lokomotiv" darvozasi oldida xavfli vaziyat uyushtirdi. Burchakdan oshirilgan to'pni Manuchehr Jalilov darvozaga yo'lladi, biroz noaniq.

51. Ikkinchi bo'lim ham "temiryo'lchilar"ning ustunliklari bilan boshlanmoqda, ammo "Istiqlol" tartibli himoyalanmoqda.

46. Hakam ikkinchi bo'limga start beruvchi hushtakni chaldi.

TANAFFUS

45. Hussayn Abu Yahyo birinchi bo'limga 1 daqiqa qo'shib berdi.

39. "Lokomotiv" hujumchisi Kirill Pogrebnyak darvozabon bilan birga-bir vaziyatga chiqib ketishi mumkin edi. Ammo, rossiyalik futbolchi offsaydda qolib ketgan edi.

35. Ilk sariq kartochka raqibga nisbatan ishlatgan qo'polligi uchun "Lokomotiv" himoyachisi Davron Hoshimovga ko'rsatildi.

31. "Istiqlol" ham so'nggi daqiqalarda ko'proq to'p bilan muomala qilmoqda. Ammo, ularning hujumlari xavfli chiqmayapti.

25. Jamoalar hozirga qadar aytarlik xavfli vaziyatlarni yuzaga keltirishmadi. "Lokomotiv" hujumga ko'proq urg'u bermoqda, dushanbeliklar esa qarshi hujumlarga tayanishmoqda.

19. "Lokomotiv" standart vaziyatga ega bo'lgan edi. Ammo, Mirzaev jarima zarbasini juda bo'sh ijro etdi.

14. Xavfli vaziyat! Jarima maydonchasi ichida Sardor Mirzaev to'pni Oleg Zoteevga etkazib berdi, qanot himoyachining zarbasiga esa "Istiqlol" o'yinchilari to'g'anoq bo'lishdi.

11. "Istiqlol" darvozasi yonida xavfli vaziyat yaratilgan edi. Ammo, "temiryo'lchilar" darvozabon Rustam Yatimovga nisbatan qo'pollik ishlatishgan edi.

7. Hozircha kichik ustunlik "Lokomotiv" tarafida. Ammo, deyarli xavfli vaziyatlar yaratilmayapti.

4. Ilk xavfli vaziyatni mehmonlar tashkil etishdi. Manuchehr Jalilov jarima maydonchasi ichida Nesterov darvozasini nishonga olib ko'rdi, ammo darvozabonimiz o'z o'rnida.

O'YINNI ONLAYN TOMOSHA QILING

1. O'yin boshlandi!

- Jamoalar maydonga chiqib kelishmoqda.

- Osiyo CHempionlar Ligasi pley-off bosqichi doirasidagi qiziqarli kechishi kutilayotgan "Lokomotiv" (Toshkent) va "Istiqlol" (Dushanbe) jamolari o'rtasidagi o'yinni birgalikda kuzatib boramiz.