Andrey Miklyaev: "O'yin uchun futbolchilarga rahmat aytaman"

“Bugun ajoyib futbol guvohiga aylandik. Guruh etakchisiga qarshi o'ynadik desam, xato bo'lmas. “Al-Ittixod” o'z ananalariga sodiq qolgani holda haqiqiy jang qildi. Biz ham maydonda qanday kuchga ega ekanimizni ko'rsata oldik”, – deya gap boshladi “Lokomotiv” murabbiyi.

“Bugun shunday o'yin bo'ldiki, unda har ikki jamoa ham g'olib chiqishi mumkin edi. Biroq bellashuv durang bilan yakun topdi. Garchi g'alaba qozona olmagan bo'lsakda, bugungi o'yin uchun yigitlarga raxmat aytaman”.

Mahalliy jurnalistlar tomonidan “Al-Ittixod”ning nima uchun ochko yo'qotgani haqidagi savolga Miklyaev quyidagicha javob berdi:

“Raqibimiz uch kun avval o'z chempionatida qiyin o'yin o'tkazgandi. Bu ularga kuchni tejash borasida muammolar keltirib chiqargan bo'lishi kerak. “Ittixod” gol urib olganidan keyin hisobni saqlab qolish ilinjida to'p surdi. Biz esa gol urishga harakat qildik”.