Kecha mazkur yig'in doirasida tashkil etilgan nazorat bahsida “Neftgazmontaj” jamoasiga qarshi maydonga chiqdi va 2-0 hisobida g'alaba qozondi. Ushbu uchrashuvdan so'ng jamoaning bu yilgi maqsadlari, tayyorgarlik jarayoni va tarkibdagi o'zgarishlar haqida bosh murabbiy Islom Ismoilovni fikrlari bilan qiziqdik.
“Jamoamiz bilan 15 dekabrda o'zimizni qarorgohimizda yig'ildik. Yig'inni birinchi qismini 10 yanvargacha olib bordik. 14 yanvardan boshlab Toshkentda mashg'ulotlarni davom ettiryapmiz”,- deya gap boshladi Islom Ismoilov.
- Eshitshimizga qaraganda jamoa oldiga yuqori maqsadlar qo'ymoqda. SHunga yarasha shart-sharoitlar yaratib berilyaptimi?
- Rahbariyat oldimizga joriy yilda kuchli uchlikka kirish vazifasini qo'ydi. Klub mutasaddilari jamoani professional darajaga ko'tarish uchun barcha zarur ishlarni amalga oshirishmoqda.
- Yaypandagi stadionda qurilish va tamirlash ishlari olib borilmoqda. Maydon chimi ham yangilanmoqda. Malumotlarga qaraganda infratuzilmani yaxshilash maqsadida yana o'zgarishlar bo'lishi mumkin ekan...
- Jamoamiz bir kunlik yoki vaqtinchalik klub emasligini isbotlash maqsadida keng ko'lamdagi ishlarni boshlab yuborgan. Xabaringiz bor uy stadionimizda katta rekonstrukciya ketmoqda. SHuningdek klub o'zining bazasini va futbol maktabiga ega bo'lishni rejalashtirgan. Bu ishlar jadallik bilan rivojlanayapti. Mana yaqin kunlarda o'zimizning shaxsiy avtobusimizga ega bo'lamiz. Umumiy qilib aytganda professional klub uchun nima kerak bo'lsa barchasi bosqichma boqichma-bosqich yaratib berilmoqda.
- Ko'ryapmizki tarkibni kuchaytirish ishlari boshlab yuborilgan. “Neftchi”da to'p tepgan futbolchilar, mahalliy yoshlar, legionerlar ko'rikdan o'tishmoqda. Selekciya ishlari haqida batafsil malumot bera olasizmi?
- Avvalgi yilga nisbatan 60 foizga tarkibimiz o'zgardi. Bu yil tarkibni kuchaytirish oldimizda turgan muhim vazifalardan biri hisoblanadi. SHu sababdan o'z vaqtida terma jamoada munosib to'p tepgan Javohir Sohibovni taklif qildik. SHu qatori rejamizda bir qator legionerlarni sinovdan o'tkazishni maqsad qilganmiz. Hali oldinda vaqt bor, chempionat boshlanguniga qadar yana yangi futbolchilarni jalb qilamiz.
- Pro-ligada joriy yildan format o'zgarishi kutilyapti. Bunga munosabatingiz qanday?
- Mana oldingi yil ikki guruhga bo'lingan formatda o'tkazildi. Bu qaysidir manoda raqobatni oshishiga hizmat qildi. Ammo, biz bu narsaga ahamiyat bermaymiz. Qaysi format bo'lishidan qatiy nazar oldimizda turgan vazifani maksimal darajada bajarishga harakat qilamiz.
Abdulaziz Iskandarov suhbatlashdi
Bosh sahifaga
934