- Hammalaringni tabriklayman! SHunday noqulay ob-havoda bizga yordam bergan barchaga rahmat deyman! Uchrashuv qiyin kechdi. Kecha raqib bosh murabbiyining aytgan gaplari noto'g'ri ekanligini aytgandim. Biz bugun jiddiy raqibga qarshi maydonga chiqdik. Guruh bosqichi uchun bir qadam tashladik.
Nurmuradovning jarohati haqida ertaga aniq fikr bildira olamiz.
Yangi o'yinchilarning harakatlaridan qoniqdim. CHunki bu birinchi uchrashuv. Yanvar oyida, bunday iqlimda to'p surish oson emas. O'ylashimcha, yangi futbolchilar bugun borligini ko'rsata olishdi.
G'ulom-Haydar G'ulomov qaysi chiziqda foyda keltirsa, o'sha chiziqda undan foydalanamiz.
Ananani davom ettirishni, guruh bosqichiga chiqishga umid qilamiz. "Al Ayn" boshqa raqib, boshqa maydon. O'ylaymanki, ananani saqlab qolamiz, - deydi Vadim Abramov.
"Xudoga shukr, g'alaba qozondik, bugungi yutuqni muxlislarga bag'ishlaymiz. Maydonga tushganimizdan keyin faqat g'alaba qozonishni o'ylaymiz, raqibning ahamiyati yo'q, muxlislar uchun o'ynaymiz", - dedi Humoyun Murtazoev.
Bosh sahifaga
338