Uchrashuv darajasi nihoyatda yuqori. G'olib shu yili Tokioda bo'lib o'tadigan yozgi olimpiya o'yinlariga yo'llanma oladi. Muhim o'yin oldidan yoshlar bilan ishlash bo'yicha mutaxassis, o'z vaqtida yoshlar terma jamoasi bilan Avstraliya olimpiya terma jamoasini mag'lubiyatga uchratgan Jasur Abduraimov raqib va futbolchilarimiz haqida fikr bildirdi.
"2016 yil Bahraynda o'tkazilgan yoshlar o'rtasidagi Osiyo chempionatida ulardan ustun kelganmiz. Nazarimda o'sha paytdagi Avstraliya hozirgisidan kuchliroq edi. Mutaxassislar ham buni bir necha marotaba takidlashgan. Bugungi raqibimiz jismonan baquvvat, lekin bemalol o'ynasa bo'ladi. Mag'lubiyatga uchratish mumkin. Bizda individual futbolchilar ko'p, ular o'zlarini ko'rsatishlari shart. SHu vaqtgacha to'rtta penalti ishladik.
Raqibda tashkilotchilik yaxshi, biroq futbolchilari robotga o'xshaydi. Texnika va individual unchalik kuchli emas. Jamoa o'yinni qo'rqmasdan o'z qo'liga olishi kerak. Raqib jarima maydonchasi ichida hujumlarni tugallashda aniq harakat qilinsa g'alaba bizniki. Fikrimcha, tarkibda rotaciya qilish lozim, ayniqsa bunday bahslarda",- dedi olimpiya va yoshlar terma jamoasi sobiq bosh murabbiyi Jasur Abduraimov.
Abdulaziz Iskandarov yozib oldi
Bosh sahifaga
236