Bir yil davomida har qanday harajatlarga ko'z yumildi. Juda ko'plab o'quv-yig'in mashg'ulotlari tashkil qilindi. Juda ko'plab mablag' sarf qilindi. TV va boshqa erlarda barchaning etibori bugun mag'lubiyatga uchragan o'yinimizga qaratildi. Bugun Drulovich va futbolchilar haqida gapirmaymiz. Bugun biz Sizlardan o'zbek futbolini tozalashingizni iltimos qilamiz!
1. O'FA texnik direktor lavozimida faoliyat olib borayotgan direktor va bo'limni tub isloh qilish. Butun dunyo futbolini rivojlanishi aynan shu bo'lim orqali amalga oshiriladi. Ammo O'zbekiston futbol Associaciyasida emas.
2. O'FA va PFLda faoliyat olib borayotgan, ammo bu sohaga "adashib" kelib qolgan mutaxassislarni ko'z yumib bo'shatish va ularni o'rniga munosib nomzodlarni tanlagan holda tizimli o'stirib borish.
3. Murabbiylar va hakamlar maktabini yaratish. Murabbiylarga licenziya berish tizimini to'g'ri yo'lga qo'yish. CHet eldagi kuchli mutaxassislarni murabbiylarni o'qitishida bevosita ishtirok etishlarini taminlash. Hakamlarni faqat o'zbek futboli manfaati yo'lida maydonga tushishlarini taminlash.
4. Hududiy federaciyalarni "reforma" qilish va ularni moliyalashtirish.
5. Klublarda faoliyat olib borayotgan rahbarlarni maxsus attestaciyadan o'tkazish. Hokim yoki zavod rahbarining tanishi ekanligi tufayli ishlayotgan "mutaxassislar"ga chiqish eshiklarini ko'rsatish.
6. PFL strukturasiga munosib kadrlarni qo'yish. Superliga va PRO-Ligada qatiy reglamentni amalda qo'llash. Sport principisiz hech kim ishtirok etishiga yo'l qo'ymaslik. Huddi shunday klublardan ko'pini talab qilmaslik. Ko'rpachaga qarab oyoq uzatish kerak. Superligada majburiy yosh futbolichni tushirishni bekor qilish.
7. Viloyatlarda 2-liga musobaqalarni haqiqatdan o'tkazish.
8. Yoshlar va o'smirlar terma jamoalaridan natijalarni olib tashlash. Yoshi katta futbolchilar bilan natijaga erishishga chek qo'yish. Barcha etibor OTJ va MTJga qaratilsin. OTJning mag'lubiyati ham aslida shundaligini achchiq bo'lsada tan olishimiz kerak!
9. Aynan bir musobaqaga jiddiy tayyorgarlik ko'rish yo'lida, klublarni futbolchilarsiz qoldirishga chek qo'yish. Barchasi tabiiy bo'lsin. Har bir musobaqaga futbolchilar o'z klublarida tayyorgarlik ko'rishsin. Tarixda bu ish bermadi va bermaydi ham.
10. O'zbekistonda yoshlar va o'smirlar o'rtasida juda ko'plab xalqaro musobaqalarni tashkil qilish!
Agar shu ishlarni bugun qilmasangiz, ertaga ham, uning ertasiga ham, undan keyin ham mana shunday mag'lubiyatga uchrab yuraveramiz!
Buni sayt ijodkorlari va juda ko'plab muxlislarning murojaati deb biling!
Bosh sahifaga
1376