- Alisher, bugungi o'yin haqidagi fikrlaringiz qanday?
- Bugungi bahs "derbi" maqomiga ega bo'lganligi tufayli shiddatli ruhda o'tdi. Har ikki jamoada ham golli vaziyatlar yuzaga kelgan bo'lsada, darvozalar daxlsiz qoldi. Yakuniy hisob 0:0, o'yin mana shunday durang natija bilan tugadi.
- "Farg'ona viloyati hokimi kubogi" musobaqasi haqida...
Farg'onada har yili ananaviy tarzda "Hokim kubogi" musobaqasi o'tkazib kelinmoqda. Tashkilotchilarga, viloyat hokimligiga jamoamiz nomidan minnatdorchilik bildiraman. Mazkur turnirda xorijiy davlatlar klublari ham ishtirok etayotganligi musobaqaning yanada nufuzi ortishiga xizmat qilmoqda.
- Ayni damda jami 4 ta gol bilan musobaqa to'purari bo'lib turibsiz. Yakunda to'purarlar poygasida g'oliblikni qo'lga kiritish niyatingiz bormi?
- Albatta har bir futbolchi to'purar bo'lishni istaydi. Men ham keyingi bahslarda gollarimi sonini ko'paytirib, jamoamiz g'alabasiga o'z hissamni qo'shmoqchiman. Ha, yashirmayman, yakunda to'purar bo'lish niyatim bor.
- "Neftchi" jamoasi mazkur turnirda o'z oldiga qanday maqsad qo'ygan?
- "Neftchi" har doim o'z oldiga yuqori maqsadlarni qo'yib kelgan. "Hokim kubogi" musobaqasida ham astoydil harakat qilib, g'olib chiqmoqchimiz. Maqsadimiz bitta - musobaqa bosh sovrinini qo'lga kiritishdan iborat.
Bekzod Tolibov yozib oldi.
Bosh sahifaga
312