“Andijon” FK rahbariyati OAV xodimlari bilan uchrashdi

“Andijon” futbol klubi rahbariyati buni yaxshi anglagan xolda, joriy mavsum oldidan mahalliy OAV vakillari bilan uchrashuv tashkil etib, bir qator masalalar yuzasidan ochiq muloqot o'tkazdi. 

Bugun tushlikdan so'ng klub ofisida jamoa vice-prezidenti Abdisalomov Marufjon Jamoldinovich andijonlik ommaviy axborot vositalari xodimlari bilan uchrashib, suhbatlashdi. Unda “Andijonnoma”, “Andajanskaya pravda”, “Futbol Ekspress” gazetalari, “uff.uz”, “championat.asia” internet portali, “Andijon viloyati teleradikompaniyasi” hamda “Sport TV” muxbirlari qatnashdi. 

Ochiq muloqot chog'ida chempionat oldidan stadionda matbuot vakillari uchun qilinishi kerak bo'lgan sharoitlar borasida so'z bordi. Abdisalomovning aytishicha, bu yil “Andijon” jamoasi uy o'yinlari o'tkaziladigan “Sog'lom avlod” stadionida tamirlash ishlari jadallik bilan olib borilmoqda. Mahalliy jurnalistlarni quvontiradigan jihati shuki, stadionda endilikda OAV uchun maxsus joy joriy etilganidir. Bungacha jurnalistlarning stadionda o'yin chog'ida erkin ish olib borishi uchun etarlicha sharoit bo'lmagani ayni xaqiqat. Endilikda “Sog'lom avlod” stadionida media-tribuna joriy etildi. U erda yuqori tezlikdagi internet hamda uchrashuvdan so'ng mikst-zona va matbuot anjumani uchun maxsus joylar qilinayotgani takidlandi. Abdisalomov shunga monand media-tribunada uchrashuv chog'ida faqat astoydil ishlaydigan OAV xodimlari bo'lishiga ham alohida urg'u berib o'tdi.

Ommaviy axborot vositalari ham uchrashuv chog'ida o'zlarini qiziqtirgan savollar bilan klub rahbariyatiga murojaat qildi.

"Andijon" FK matbuot xizmati.

Foto: Elmurod Ermatov.