Sarri - Dibalaning asosiy tarkibda o'ynamagani haqida: "Barcha futbolchilardan bir vaqtda foydalana olmayman"

"Duglas Kosta keng maydon bo'ylab o'ynaydi va golli vaziyatlar yarata oladi. Biroq shunda ham u o'zining yaxshi jismoniy holatida emas. Qachonki u yuqori jismoniy holatda bo'lsa, rostdan ham o'yinda tub burilishlar yasay oladi.

Dibalani asosiy tarkibga kiritmaslik - katta xato, biroq bizda hujumkor futbolchilar juda ko'p. Ularning barchasidan bir vaqtning o'zida foydalana olmayman. Balans bizga juda ham kerak. "Fiorentina"ga qarshi o'yinda Iguain bizga juda qattiq asqotardi.

Agarda barcha hujumkor futbolchilarni bir vaqtning o'zida o'ynatsam, ularning ayrim sifatlari yo'qolishi ham mumkin. Masalan, Krishtianu Ronalduni qanotda o'ynatish bugun foydasiz bo'lardi", - dedi Sarri.