SHota Arveladze boshchiligidagi "sherlar" Rossiyaning 10 karra chempioni Moskvaning "Spartak" klubiga qarshi o'rtoqlik uchrashuvi o'tkazib qaytishadi. Bu orqali "Paxtakor" Rossiyada yashayotgan yurtdoshlarimizga o'ziga xos sovg'a tayyorlashni maqsad qilmoqda.
Mazkur bahs 22 fevral kuni Rossiya poytaxtidagi "Otkritie Arena" stadionida bo'lib o'tadi.
Ayni paytda "Spartak" Rossiya premer-ligasining ikkinchi davrasiga tayyorgarlik ko'rmoqda. Domeniko Tedesko boshchiligidagi "qizil-oqlar" 29 fevral kuni "Dinamo" bilan poytaxt derbisida maydonga tushishadi.
Malumot uchun, "Spartak" safida bugungi kunda Andre SHyurrle, Lorenso Melgarexo, Roman Zobnin, Georgiy Jikiya, Jordan Larsson, Aleksandr Sobolev kabi mashhur futbolchilar to'p tepishmoqda.
"Paxtakor" klubi ayni paytda Rossiyada istiqomat qilayotgan barcha yurtdoshlarimizni uchrashuvga taklif qiladi.
Bosh sahifaga
185