Ispaniya futbol Federaciyasidagilar har yili mamlakat kubogi finali uchun stadion tanlashdan charchashdi — va keyingi 4 yil uchun reja tuzib chiqishdi: barcha finallar Sevilyadagi "La Kartuxa" (avvalgi Olimpiya) stadionida bo'lib o'tadi. Arena bu yo'lda "Vanda Metropolitano" bilan kurashda g'olib bo'ldi.
Eslatib o'tamiz, "Vanda Metropolitano" Madridning "Atletiko" jamoasi uy stadioni hisoblanadi.
• Sig'imi 57 ming bo'lgan Olimpiya stadioni (boshqa malumotlar bo'yicha 60 ming) engil atletika bo'yicha Jahon CHempionati uchun qurilgan. O'sha musobaqa 1999 yil Sevilyada bo'lib o'tgan. Arenaning asosiy kamchiligi — yugurish yo'lakchalari. Oradan 20 yil o'tgan bo'lsa-da, ularni olib tashlashmadi. Ammo boshqa tomondan bunga extiyoj ham bo'lmagan. "La Kartuxa"da "Betis" ham, "Sevilya" ham uy o'yinlarini o'tkazmaydi.
Ispan radiostanciyasi COPE malumotiga ko'ra, yugurish yo'lakchalarini final uchun olib tashlashadi, lekin bu mavsum emas — birinchi final 18 aprel kuni bo'lib o'tadi.
• Ushbu arena ko'proq koncertlar uchun xizmat qilgan: bu erda Madonna, U2, AC/DC koncert bergan. SHu bilan birga, stadionda futbol uchrashuvlari ham o'tkazilgan. Jonlanish yangi asrning dastlabki yillariga to'g'ri keldi: Ispaniya termasining uchta o'rtoqlik o'yini, ikki bor Ispaniya Kubogi finali, 2003 yilda UEFA Kubogi finali ("Portu" 3:2 "Seltik").
Bu erda oxirgi marta 2012 yil futbol o'ynashgan: Ispaniya Evro oldidan Xitoy termasini mag'lub etgan — 1:0.
• 2018 yil yozida arena yopildi. Stadion tomi tamirtalab holatda edi, sug'urta kompaniyasi xarajatlarni qoplashdan bosh tortdi, rasmiy shaxslar esa bo'sh yotgan stadionga pul sarflashni istashmadi.
Endi bunga sabab ham, mablag' ham bor: Andalusiya talim va sport vaziri Xaver Imbrodaning aytishicha, har bir finaldan region o'rtacha 43 mln evrodan ishlab topadi. Stadionni tamirlash va yugurish yo'laklarini olib tashlash 15 mln evroga tushadi.
• "La Kartuxa" stadioni asoschilaridan biri Antonio Krus uch yil avval arenani ajoyib futbol stadioniga aylantirish mumkinligini haqida aytgandi: "Biz stadion loyihasini ishlab chiqayotganda keyinchalik uni futbol arenasiga aylantirish imkoniyatlarini saqlab qolishga alohida etibor berganmiz. Asosiy muammo — bu erda hech qaysi klub o'ynamaydi. Stadion mamuriyati "Sevilya" yoki "Betis"ni uy o'yinlarini shu erda o'tkazishga ko'ndirishi zarur. Bu erda barchasi ajoyib — juda chiroyli joylar".
Kim biladi deysiz, balki yaqin oylarda chindan ham biror jamoa bu stadionga ko'chib o'tar. "Betis" o'z stadionida katta hajmdagi rekonstrukciya ishlarini amalga oshirishni ko'zlagan. Loyihaga binoan tribunalar navbati bilan tamirlanadi — shu yo'l bilan klub o'ziga boshqa stadion qidirish muammosiga duch kelmaydi, lekin bunday holatda ish anchaga cho'ziladi.
Omonjon To'xtamirzaev tarjimasi
Bosh sahifaga
231